السلام عليكم ورحمة الله وبركاته

أول شي أحب أبارك للكويتيين بالبطوله وأقولهم تستاهلوا ماجاكم ...وهارد لكم يالسعوديين ....
وإللي خلا الكويت تحصل ع اللقب بعد توفيق الله .. الكووووووووتش مو زي الطباخ إللي عندنا
وشكله حتى لو حطيناه طباخ للمنتخب مابيفلح !!!!!!!!

كلكم شفتوا المباراه وشفتوا الفرق بين لعبهم ولعبنا تكتيكهم وتكتيكنا فنهم وفننا والسبب الكوووووووتش ... مو اللاعبين ...
يااللي تخافوا من الله بالله بسيرو تسموه مدرب ؟؟؟
وبعدين لو إنه مدرب صاااااااااااحي ماكان طيره الهلال صح ولا لأ ؟؟؟؟؟
بالعربي مدرب أنديه ويالله يفلح معاهم

الرهيب هو إللي نكبنا أمس بعدم تمركزه في محله وقت الهدف ... ومن بداية البطوله ماقدم أي شي وكان عآله ع المنخب واللاعبين .. ليه تلعبه وهو من بداية الموسم ماقدم شيء مع فريقه ولا مع المنتخب ...طيب عندك محمد الغامدي في الإحتياط ( لاعب القادسيه ) يلعب بمحله وأفضل من الرهيب بمراحل ولاعب شااااااب ..
سرعه وتمركز وعرضيات ومهاره كلها موجوده بـ الغامدي ...

وبعدين ليه ما لعب تيسير محور ثاني من البدايه ؟؟ كان فرق صح ولا لأ ؟؟
عنده القدره الدفاعيه والهجوميه الكبيره !!!!
وخاصه تميزه بأدوار هجوميه عنده التسديد والمهاره والتمريرات الدقيقه ..
ولو كان لعب كان شفنا الدوسري يلعب مهاجم ثاني وكان ساعد العسيري ولاعبين الوسط وأزعج دفاع الكويت .. صح ولا لأ ؟؟؟؟

يحيى الشهري ما استفدت منه ولا أي مباراه وهو لاعب يفرق كثييييير !!!
ليه مستدعي لاعب بإمكانيات كبيره زي الشهري وراكنه احتياط ؟؟؟

كل هذي الأسباب يابسيرو أكثر إللي خلتنا نفقد البطوله ..
صحيح مدرب الكويت مغمور وراتبه أقل راتب بين مدربين البطوله ..
لكن بصمته بانت ع الفريق شوفوا تمريرات الكويت البينيه شوفوا التحرك بدون كره للاعبينهم طوال المباراه (( ماعندنا إلا الشلهوب إللي بتحرك بدون كره طواااال المباراه )) شوفوا كيف مع الهجمه كم لاعب يطلع وكم لاعب تحصله بالصندوق يساند المهاجم ويعطيه مساحات .. هذا كله شغل مدربين تكتيك وفن وبصمة مدربين ...

هذه البصمه لم ولن نشاهدها مع بسيرو..
وصدقوني حتى لو رجع الجيل الذهبي (( جيل 94 )) وبسيرو اللي يدربهم ما بنحقق ولا بطوله مع بسيرو !!!

المشكله الآن إن مابقي إلا أقل من 30 يوم ع البطوله الآسيويه وبهذا مافي وقت لإقالة بسيرو وإحضار مدرب جديد لأن مافي وقت على بال مايتأقلم مع اللاعبين والأجواء .. يعني بسيرو مستمر وسلامي ع الآسيويه ..
واللي يقولوا بسيرو ماخسر ولا مباراه هذي الأولى سجلوها والجايات أكثر !!!!!!!
ياحبايبي علينا أن نرفع رؤوسنا ونفتخر بلاعبينا الشبان ونرفع القبعه تحية لما قدموه وسيقدموه مع المنتخب (( مع الكوتش الجديد طبعا )) في الإستحقاقات القادمه ...
فلدينا نجوم يستطيعون أن يخطفون لقب الجيل الذهبي ويعيدون ذكرياتهم الجديده وهيبت أخضرنا المعروفه (( لكن مع الكوتش الجديد )) ....


تحياتي للجميع ...
وبانتظار ردودكم .....
الموضوع جايز إنكم تتفقون في نقاطه وجايز إنكم تختلفون في النقاط ووجهات نظركم أحترمها جميع

....إن أصبت فتوفيق من الله وإن أخطأت فمني ومن الشيطان ....