| والله هزيمة كنت متوقعها انا بالذات بذي المباراة..يعني ريال مدريد اكبر فريق مدعوم وبشكل فاظح من زمااان.. واللي زادها انه توه ماخذ خمسه.... يعني بالطيب ولا بالغصب فائز فائز وكلام لورينتي صحيح مية بالمية
اول شي اببدا بلاسانا ديارا طول المباراة يرفس و ولا كرت.. والله المفروض ينطرد اكثر من مره لا والهدف الثاني كان اساسه فاول لفالنسيا .. طاب ابو الشباب على بانيقا واخذ الكرة وصارت مرتدة وقول.
ثاني شي طرد البيلدا كان نقطة تحول... والقهر انها بكتفه وبشهادة الاستيديو التحليلي, حتى الاصفر الاول ماكان يستحقه.. مشادة مع بيبي المفروض يفرق بينهم وبس ماياخذ اصفر عليها.
اللي ابقوله حنا قدر الله علينا وحبينا هالنادي اللي حظه انه بهالدوري الزبالة.. اللي بيصير دوري اسكتلندي ثاني من المهازل التحكيميه... كل ماجاء فريق بينافس ضغطوه بالتحكيم, لو تذكرون مباراتنا مع مايوركا كنا الثاني وقتها وبلنتي خيالي لهم,, حتى فياريال بمباراتهم معنى لهم بلنتيين ماانحسبت,, بالعربي اهم شي يستمر الريال وبرشلونه في المقدمه,, انا ما اقول حنا افضل منهم بس والله اللي قاعد يصير مهزلة والاندية ساكته,, لو بدوري ثاني كان قامت الدنيا
وبالاخير الله يوفق الخفافيش بالتشامبيون,, وشكرا لجهودكم ماقصرتوا | 