مثل ماذكرت بالموضوع

نعم اكاد اجزم والله اعلم ان البطوله كويتيه 100%

وذلك لعدة اسباب .

1- وجود الامير طلال الفهد منذ بداية الطوله . وهو الشيخ الوحيد المسؤول اللي حضر مع بعثته . وغيره خايف من الحوثيين .. واكيد وجوده لها ايجابيات كثيره على البعثه الكويتيه من اول مباراه بطوله الى مباراه السعوديه القادمه

2- الروح القتاليه اللي شفتها باللاعبين الكويتيين من بداية البطوله الى اخر مباراه لهم مع العراق .

3- احساس كل لاعب كويتي بمسؤوليته تجاه الخانه اللي يلعب فيها . وصراحه مااثار اعجابي هو اللاعب المظلوم عبدالعزيز المشعان . انا عندي انه احسن وافضل من فهد اللي ذبحتونا فيه

4- اهتمام الاعلام الكويتي بالبطوله منذ بدايتها .. مو حنا اللي من اول مادخلو لعيبتنا قمنا نحطمهم . لمين ردو علينا ووصلو لهالدور وهم يشكرون اكيد


..

عندي احساس كبير ان الكويت راح تفوز بالبطوله الخليجيه . وهم يستحقونها .

ولاتقسون على لعيبتنا اذا خسروا . هم توهم صغار وماعندهم خبره كافيه . ووصولهم لهالمرحله يعتبر انجاز


.
صحيح بداخلي اتمنى ان احساسي يكون خاطئ . وابي السعوديه تاخذ الكاس وتفوز . لكن صدقوني صدقوني البطوله كويتيه

واذا كانت سعوديه فأنا اكيد اول الفرحانين . بس مع ذلك مدري مافيه اي مؤشرات تؤشر الى ان السعوديه بتاخذ الكأس

..

المنتخب الوحيد اللي فزنا عليه بنتيجه كبيره اليمن . وهو منتخب ضعيف

+

المنتخب القطري اللي فاز عليه الكويت ماقدرنا نفوز عليه . وبالحظ تأهلنا

+

لعبنا مع منتخب الامارات مباراه ليست بالقويه . ومافيه هجمات تذكر الا بعد الاصابع . ومن هدف واحد فزنا وتأهلنا بمستوى جدا عادي . ولا تقدر تقارن مستوى السعوديه مع الامارات . لان الامارات فريق متواضع


.
عكس المنتخب الكويتي . لعبو مبارايات قويه . واخرها مباراه العراق فازو بطلعة الروح . وحسو بطعم الفوز وعينهم ع البطوله والكأس اكثر

ومثل ماقلت احس اللاعبين الكوييتيين انفسهم . روح البطوله والفوز والاهتمام بالمباراه اكثر من لاعبين منتخبنا


,

اتوقع النتيجه 2- 0 للكويت للأسف . ويارب ان احساسي وتحليلاتي كلها تكون غلط . بس مااتوقع

> متشائمه <