اذكر الموسم الماضي في مباراة الهلال ومدري مع مين وزعوا اكياس او اعلام زرقاء وكنت في الدرجه الثانيه مع الجمهور .

وكان اللي ماسك تنظيم الجمهور هو الاخ فواز ... الله يعطيه العافيه .

بس ياجماعه فواز لحاله مايكفي الجمهور كثير ويحتاج الى اكثر من واحد ينظمون الجمهور . يعني لازم نسوي قبل المباراة أكثر من بروفه قبل مايدخلون اللاعبين للملعب .

وفيه نقطة اتمنى يكون هناك اكثر من واحد مع فواز واحد يكون في الوسط واحد يمين وثالث يسار .. واذا فيه عدد يكونون فوق ... يسونها مع الجمهور الباقي .

بس المهم يكون فيه تنظيم بحيث ان لحاله الواحد مايقدر لانه يتعب خصوصا لما يقولو يله عيدوا الحركه مرة ثانية .

خصوصا ان المناسبه او الحركه اللي بنسويها اليوم ان شاء الله بنشيل رقم تاريخي في مباراة الهلال وتحتاج الى انضباط من الجميع .

اتمنى على الاقل يكونون فيه ثلاثه فوق يعني لما يبدا فواز يبدأ او اللي بيسوي التنظيم .... اللي فوق يقولون يله ياشباب ارفعوا الاعلام .. يمين أو على فوق ارفعوا .. ولما واحد يسويها ترا الباقين يقلدونهم .






واتمنى من الجمهور يحضر ويشوف الحدث التاريخي ومايفشل الحركه العالمية اللي بيسوينها جمهور الهلال .

احضروا للملعب وترا المباراة مهيب منقولة الا على اي ار تي بدل المقهى تعال للملعب
وسعر التذكرة : 10 ريال يابلاش .