فيصل حياتي ! ..

من قال اني اقول ان العيب منهم ! .. مجنون الي يقول العيب منهم وهو يشوف كوره عمره ماشاف مثلها ! ..
هاتلي العيب ذا وانا راضي لو كل العالم توقف ضدي وتنتقدي ! ..

العيب ابد مهو ببرشلونه وفكره وحقده ! .. العيب كله في مدريد وشغل المثاليه والرقي ! ..

انا مابي ارجع واكتب ثاني نفس الكلام الي قلته ! .. ولكن تخيل انه عندك فريق من افضل لاعبين حواري الرياض والي 24 ساعه بالسدسيات ! وبتلعب مع فريق ثاني مهما كان مستواه ! ..
وجيت وقلت لفريقك انها مباره وديه وحبيه ! .. وقالوا للفريق الثاني انها مباره دوري ونهائي دوره معينه ! ..
انت وفريقك مهما كانوا لاعبين وفنانين وقاعدين يطقطقوا على حواري العود والخنشليله والغبيرا خخخ ( حواري ابو كلب في الرياض خخ ! ) .. بس ان الفريق الثاني بيشحط ام وجه فريقك ! ..
بتشوف كل واحد بأثنين ! .. بتشوف حماس وكأنهم ملجلجين ! .. وبتشوف انبراشات ماتشوفها في اي وديه الا في حواري الكرنتينا بجده ! ..
فريقك طبعا من الشحط بينهبل ولا بيعرف يفكر ومدام يستوعب الي يصير بتلاقي نفسك لاقم 10 نظييفه من الي يحبها قلبك ! ..

انا كل لومي على الفكر الي طغى على ريال مدريد ! .. الرقي وحب اللعب الجميل والتصفيق له حتى وان كان ضدك ! ..
صحيح كفكر اقول لك انه مثالي ! .. بس كخدمه وكدافع للكيان المدريدي ماايفيدني بشيء الا يضرني ! ..
ياخي اذا جمهور يصفقوا على اللعب الجميل حتى وان كان ضدك وش يفيدني فيه ! .. الا يضرني ويعطي دافع للاعبين الخصم انهم يقدموا شيء عشان يتم التصفيق لهم من جمهور غريمهم ! ..
يعني بدل مااتجيه ام الركب زي الي جات لألونسو ! .. صار له دافع كبير وراحه انه يبدع في البرنابيو ! ..

رونالدينهو وصفقوا له ! .. ديل بيرو وصفقوا له ! .. واكسافي وانيستا معشوقين كأسبان ومحبوبين كلاعبين حتى وان كانوا لابسين شعار الغريم ! ..
وين تبي رهبه البرنابيو ورهبه مدريد تأثر على الخصم اذا كان اخرها تصفيق واعجاب لهم ! ..

ياارجل ارجع للتاريخ وشوف الحوثين على ارضهم ! .. حتى وان كانوا في القاع وكان مدريد يقدم اجمل كره مااكانوا يصفقوا او يحترموا اللعب الجميل ! ..
لو تفوز عليهم 90 ! .. وتقدم دبل الي قدمه البرسا في اخر مباره والله ماتشوف الا حذف بالجزم وبالقوارير وحتى برؤوس الخنازير زي الي صار مع فيقو ! .. تصبح متوتر في ملعبهم ماتعرف تقدم لعبك وتبي تخرج منه بسرعه حتى وان كنت افضل واقوى ! ..
مهو تمتع في ملعبهم وتبدع وتسمع تصفيق ! .. ومالها داعي نتكلم عن الشعور الافضل لما يعجب بك منافسك ! ..

انا احس اني طلعت عن الموضوع شوي ! .. بس كلمه حق وتقال ياخي ! ..
اذا ماعندك جمهور وملعب يحسس الاعبين بقيمه الشعار ياخي ! .. من وين تبي الاعبين يتشربوا ويحسوا بقيمه الشعار وبقيمه الكلاسيكو وروحه ( وخاصه ان اغلب فريقك مهو من اكاديميتك ! .. ) ..

صدقني يافيصل يمكن انا من القله او ممكن الوحيد الي تفائل بعد خماسيه البرسا ! ..
لاني متأمل كثير ان الخساره مؤلمه بتغير كثير من الفكر المدريدي ! .. الي لو تغير واثر على جمهور مدريد وملعبه ولاعبينه ومدربه ! .. وقتها لا برسا ولاغيره يوقف قدامك ! .. لانه يبقى حوثي ويبقى انفصالي متعقد من فرانكو وحاقد عليه ! .. فلما تكون انت صوره مصغره من فرانكو فقط تتلقى الضربات اكيد بتاكلها لكن لما تاخذ الصوره وتمثل معانيها وقتها كل حشره بتهجد لما توصل مدريد ولما تسمع اسمع مدريد ! .. < هياط متبقي خخ ! ..

وطبعا هذا غير ان خلاص اغلب الاعذار والحلول الي كان يتبعها الجمهور المدريدي اثبتت فشلها ! .. والي هي الهروب نحو الميركاتو وخاصه انك تملك افضل نجوم العالم وفوق عليهم صرفك لفوق ال 300 مليون ! .. وتغير المدرب والفكر وخاصه انه عندك افضل مدربين العالم وتغيره تعتبر خطوه للوارء ! ..
فما عند جمهورك وفكره الا انه يصبر ويوقف اكثر ويتعصب لفريقه ! ..

وهذا املي وتفائلي بالفريق ! .. ان خماسيه البرسا تكون سبب في تغير الفكر المدريدي المثالي ! .. وزيد عليها ثقتي الكبيره في مورينهو ..

موفق يابطل والله يعينك على لخبطه الافكار ! ..

قفله :

ابراهيم بخير يابعد قلبي انت رح شوف رزقنا بس

حكيم .. يااراجل ماحد فتح بالي على الموضوع ذا الا ردك العام قبل الماضي وقت 6-2 ! .. وفرق الروح والفكر ! .. ومنكم نستفيد ياابطل ! ..
الا على طاري الروح والفكر اخبار اليمن معك خخخ ! .. المنتخب ذا لو نحطهم في كتلونيا 70 سنه بننلزخ وناكل كثير صح خخخ ! .. اول مره اشوف منتخب عنده وسط بس ماعنده لا هجوم ولا دفاع ولا حارس خخ ! ..
تشبهه برقاصه في شارع الهرم الوسط حركي ماايحتاج خخخخ ! .. بس لا فيس ولا مناطق دفاعيه زي الخلق خخخخ ! ..

يحيى ! .. انت عار علينا ! ..