اللي صار شي طبيعي

الفريق دخل تايه ضايع ولاكانهم لعبوا كورة مع بعض ولاكأنهم لعبوا كورة في حياتهم !! كأنهم مسبوهين , لااستلام صح لاتسليم , انتشار , تغطية , ضغط كل شي كل شي في الفريق غلط
مع ذلك برشلونة كان مميز بالضغط .. مايخلي ولالاعب يلعب على راحته لايقدر يتسلم وان استلم مايقدر يمرر على راحته .. مرات كثير الدفاع اضطر يلعب الكورة لكاسياس لانو فيه لاعب ضاغط عليه ورغم ذلك كاسياس مايقدر يسلّم الكورة براحة ابداً .. تلقى فيا او ميسي رايح له يضغط عليه
ماتدري وش المشكلة ؟
مورينيو ماتدري وش مسوي .. ماتدري وش خطته وش ناوي عليه وش قاعد يسوي
مع ذلك مازعلت من الهزيمة
الهدف الخامس جلست اصفق
نكون واقعيين شوي

برشلونة امس خرافي شي مستحيل فريق من 11 لاعب في التاريخ يسوون اللي سووه .. ولو تجيب افضل 11 لاعب في التاريخ مع افضل مدرب في التاريخ برشلونة بيمغطونهم تمغيط .. شفت كورة من زمن ثاني شي يمتع .. وربي اضحك انا والعيال واقول لهم " يلعن والديهم ذولا شلون يلعبون كذا ؟ " طقطقة كعوب باصات تسحيب مهارات شي خيالي
حتى لو الريال كان بمستواه , مستواه البرشا كان افضل
بإختصار .. الريال كان بأسوأ أيامه هالموسم , والبرشا في أفضل ايامه على الإطلاق
والقضية زي ماقالها سي جهاد " كل سنة وانت طيب يله " القضية عند لاعبين برشلونة تتعدى انها مجرد مباراة و3 نقاط .. لا
هذا مورينيو اللي كرشهم وطلعهم من حلم انهم ياخذون التشامبيونز في البرنابيو
غير الاعتقادات المريضة اللي عندهم انهم مظلومين وانهم مضطهدين من الحكومية وكاتلونيا از نت سبين والامراض النفسية حقتهم .. فطبيعي تشوف الضغط من الجماهير اللي استقبلتهم بالحجارة الى الملعب الى قدوتهم بيب وحركته السقيمة مع كريس " مااقول سقيمه لأنها مع كريس , بل لأنها طلعت من شخص محترم زي بيب " ..الى لاعبينهم اللي تقل كلاب ينابحون كل ماطاح احد من لاعبينهم الى كل شي في كاتلونيا يعتقد ان مدريد واطيتهم وطي وهذي الطريقة الوحيدة للإستهجان والرد

حنا ماقدمنا شي يستاهل نقول حرام ننهزم .. والبرشا قدم افضل كورة ومباراة شفتها من سنين
يستاهلون الفوز اكيد .. بس هل مورينيو بيفوّتها لهم كذا؟

المهم الأمل بالله ثم في مورينيو يطلّع لاعبيننا من الجو النفسي المضروب حقهم بعد الخمسة والباقي خير ان شاء الله

ألف مبروك لهم .. وهارد لك لنا

ووعدنا مع الخفافيس ندعسها في السانتياقو زي العادة ان شاء الله

سلاام