السلام عليكم ,,
هاردلك الخساره الثقيله والله ,,
مهما تكلمنا وقلنا 3 نقاط ومهما قلنا الدوري طويل ,
تظل الخساره " ثقيله " علينا وصعب نتقبلها ,,
فريق بإمكانيات , بلاعبين , بمدرب , بتآريخ , بجمهور زي جمهور ريال مدريد صعب يقبل او يرضى بخساره زي هذا , بحجه فريق جديد او مدرب جديد او خصم في افضل حالاته
مهما كان اسم المدرب او اسم اللاعبين الاساسيين الموجودين , او اسم الخصم اللي قدامنا .. الخساره بـ5 غير مقبوله
ممكن اني اتقبلها .. " لو " على الاقل الفريق حآول واستبسل وقدم لنا روح تدل على الرغبه في الفوز كصفه من صفات المدريدستا
الخساره بـ5 مستحيل نرضى فيها حتى لو كان خط دفاعنا مكون من بافون وراؤول برافو .. وحتى لو كان محورنا هيلقيرا وهجومنا سولدادو , ببساطه لاني مشجع لريال مدريد ,, فكيف بخساره بـ5 اهداف مع افضل اللاعبين في مراكزهم ؟ مع مدرب يصنف انه الافضل في مجاله في هذا الوقت ؟

مورينيو مع الاسف اعطيه "صفر "من عشره في هذي المباراه , مو بسبه التشكيله , لان كلنا نعرف ان التشكيله هذي هي الافضل ونلعب فيها من بدايه الدوري ومستحيل نغيرها لعيون كتلونيا !
لكن توظيف اللاعبين داخل الميدان كان سيئ , الفريق ماكان قادر يبني هجمه وحده بشكل صحيح .. او ماراح اقول هجمه , فريقنا ماكان قادر يمشي اكثر من 3 تمريرات بشكل صحيح !
في الجانب الاخر ماكان قادر " يفتك " الكوره من لاعبين البرشا الا بطلعه الروح ! وابيكم تعيدون الهدف الثاني حق برشلونه وتعدون كم تمريره بينهم لما الهدف وراح يبين حاله من الفقر المدريدي في افتكاك الكوره !
في الجانبين كنا سيئين :
1- افتكاك الكوره
2- بدايه الهجمه بشكل صحيح

مورينيو فشل في توظيف لاعبين الوسط وخلاهم يراكضون ورى ميسي وتشافي وانيستا بدون اي فايده ... الونسو اسوأ مباراه شفتها له كان فاقد اهم ميزه تميزه عن غيره وهي الكورات الطويله .. ويمكن يكون معذور لانه في اكثر من كوره يرفع راسه يدور احد مايحصل غير بنزيما بين 3 مدافعين
ديماريا كان بوجهه نظري اسوأ لاعب في المباراه .. لاهو اللي ساند دفاعيا بشكل صحح ولاهم المؤثر هجوميا ! يوم يرجع يشتت غلط ! ويوم يهجم مناولاته نصها لمحورهم !
الفريق بشكل عام " فشل " في مجاراه البرشا .. ونحتاج الشي الكثير عشان نقدر نجاريهم

مورينيو فشل في تهيئه الفريق نفسيا للمباراه .. واضح ان لاعبين الريال داخلين المباراه وهم اقدر اقول مب مستوعبين قيمه الكلاسيكو في اسبانيا واهميته ,, باستثناء كم لاعب بالفريق طبعا اللي روح الفريق موجوده عندهم بالكلاسيكو وغيره ,, بعك لاعبين البرشا اللي داخلين المباراه وعارفين اهميتها ومهيئين نفسيا لها وكأنها مسأله حياه او موت .. وعرفوا كيف يستخدمون " القذاره " في مصلحتهم ونرفزه لعيبه الريال وهو شي اعتبره مطلوب بشكل كبير في الكلاسيكو

بيبي بوجهه نظري احد افضل السيئين في المباراه .. كان الوحيد في خط الدفاع اللي يقاتل على كل كوره في الدفاع في لحظات استسلم فيها لاعبين الريال

ضربه جزاء + طرد للسبيكه فالديس كان من الممكن تغير كثيرا في مجريات المباراه !! لكن التحكيم مب عذر للـ5



اثق فيك كثيرا