| إقتباس | | | | |
الرسالة الأصلية كتبت بواسطة BENZEMA10 | | | | |
هلا بيك يالسمي
شوف احنا بدينا غلط اول غلطه يوم مورينهو يعلن التشكيله قبلها بيوم وهذا اللي اعطى بيب الفرصه يلعب على نقاط الضعف ويرتب فريقه على تشكيلة الريال
والدليل ان ضغطهم من اول دقيقه وعارضة ميسي والهدف في اقل من 10 دقايق
ولو تلاحظ التناقلات السريعه لهم مو معطيه فرصه لوسطنا يضغط
وسط ميلان الكبير والبطيء مايقارن مع سرعة ونشاط وسط برشلونه وصعب اوزيل يغطي اكزافي لان لمستهم سريعه للكره واذا غطى اكزافي انيستا وميسي يسرحون ويمرحون في منطقة محاورنا
نرجع لموضوع هيجوين انت قلتها البنز مكانه غلط طيب يعني بتكون الغلطه الثانيه من المو لانه المفروض يغير التشكيله على حسب الامكانيات الموجوده عنده
مثل ماقلت 442 وبيدرو ليون ممكن يفرق شوي او 3 محاور اتوقع لاح تقطع الماي والكهرب عن وسطهم
الغلطه الثالثه من المو وجود الدفاع على خط واحد قدام انيستا واكزافي صحيح خلصنا كور بس وجود هالاثنين بتمريره وحده من نوعية انت وضميرك وهبا في الشبك
في حاجه مهمه ماحد تطرق لها
الرتم السريع للاعبين البرشا من اول دقيقه
غالبا في مثل هالمباريات يكون بداية اللعب حذر ومتحفظ بين الطرفين
بس هجوم البرشا والرتم السريع سبب ارتباك عند لاعبينا وماقدرنا نضبط وضعنا الا مع النص الثاني من الشوط الاول