نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ¬ « جُ نُ و نَ

الوافي001 · #8 30/11/2010, 02:18 AM

يعطيك العافية .. ماشاء الله اتوقع بضرف شهر من الحين تبي تصير واحد من اكبر اعضاء العالمية .. اتوقع لك بمستقبل باهر مثل مستقبل هرنانديز

..

ابتكلم عن فريقي المان .. بمجرد ان تعرف هالكم الهائل من التعادلات يجي ببالك ان الفريق ضعف وبالاخير تشوفه متصدر يجي ببالك مرة ثانية ان الدوري ضعف ..

بالعكس لما اشوف مثلا قبل خمس سنوات الفارق في القوة بين الاول والاخير نلاحظ فرق شاسع مو من ناحية النقاط فقط لكن من ناحية القوة المالية والادارية والمستوى على ارض الملعب ..

حاليا نشاهد الفارق الكبير سنة عن الثانية ينقص وصرنا نشوف فرق مثل وست بروميتش وسندرلاند وستوك سيتي وبيرمنقهام وكلهم لهم اقل من 4 سنوات متاهلين للبريمير ليق .. نشوفهم كلهم احرجوا البيق فور ..

نلاحظ القوة في الاسامي التدريبية والابتعاد عن العنصرية البريطانية .. صرنا نشوف شخص مثل مدرب وست بروميتش يقدم اداء بطل ويحرج في المان والارسنال على ارضهم .. برضو ما انسى بلاكبول اللي بميزانيته ما يجي راتب دروقبا السنوي ونشوفه يقدم اداء بطل ..

ولفرهامبتون برضو ..

لناخذ الدوري الاسباني كمثال للفرق .. دوري ممتع له جماهيرية كبيرة ومتابعة في العالم العربي اكثر من اي دوري ثاني .. لكن الفارق بين الاول والاخير ما قاعد يتقلص سنة عن الثانية يزداد .. هالامر راجع للدخل المالي الضعيف والامور اللي يدار فيها هذا الدوري ..

اببعد عن المقارنة وارجع للمان .. المان حتى بعد السبعة ما وثقت فيه انه يستمر اتوقع يرجع للتعادلات .. اتمنى تجي الخسارة بعد مباراة تشلسي ونكون فيها حتى لو خسرنا حنا في المركز الاول .. صحيح اني اتمنى دوري بدون خسارة لكن حنا محنا في 2004

<<<< هذي انبراشة على جمهور ارسنال ..

الخسارة جاية جاية .. اتمنى تكون بالكارلينق او ضد فالنسيا او ضد اي نادي بالدوري بس اهم شي تكون بعد مباراة ارسنال وتشلسي حتى ما تكون 3 خساير بمباراة وحدة ..

بالاخير السير قال راح تشوفون مستوانا بعد الكريسميس .. الكريسميس جاي بعد شهر .. التوقف راح يريح لاعبين كثير مثل ايفرا وفيديتش والريو .. على طاري الريو حطم رقم قياسي بعدد الدقايق من دون ما يسبب ولا فاول .. من لعب بالبريمير ليق ما اخذ الا كرت احمر واحد اللي كان ضد سافاج .. طبعا استمرت مشاكلهم الى قبل كم اسبوع بالتويتر حق الريو لكن فجاة صاروا اخويا لا تسألون وشلون

.. ارقام تروع للاعب قلب دفاع تلتفت للي بجنبه تناظر فيديتش المطفوق .. انا ما اقول ان فيديتش غلطان لا الدفاع مثل العلاقة الزوجية

واحد يشد والثاني يرخي علشان كذا هم يكونون ثنائي بطل مثل ثنائي تيري وكارفاليو ..

نروح للشق الثاني من الدفاع اللي هم الاظهرة .. رافاييل لازم يستغل وجود فيديتش والريو .. كل خطأ بتعليمة وقاعد نشوفه حاليا من دون اخطاء ماشاءالله .. ايفرا بدى الدوري بمستوى سيء لكنه بدى يعطي فاعلية هجومية الحين ..

كاريك رجعلنا كاريك 2007 .. من احسن اللاعبين اللي شفتهم لاعب نحسد عليه بكل صراحة اذا صار بالفورمة .. اندرسون لو يستمر بالمباريات الجاية لو بنص مستواه في مباراة بلاكبيرن اضمنلكم ان سكولز يعتزل نهاية الموسم .. 99 تمريرة 4 منها خطأ بس .. كان يلعب من لمسة وحدة كثيرة وسوا اسيست واحد من السبعة ..

ناني قلتها قبل اصابة فالنسيا راح تكون فايدة لنا اكثر من انها سيئة .. ناني في كل مباراة يثبت نفسه اكثر من المباراة اللي قبلها لانه ارتاح في الجهة اليمنى وكسب الثقة .. كل اللي باقي انه يستمر بكسب الثقة ويروح للجهة اللي يخاف فيها ويرجع فالنسيا لجهته المحببة ونشوف جناحين خطيرين ..

بارك .. لا تعليق بصراحة قاعد يحرج اشخاص بمستواه الدفاعي والهجومي ..

بالاخير يعطيك العافية ولد رايطتنا .. حبيت اتكلم كثير لان الموضوع ما يستاهل يعطيك العافية بس يستاهل اكثر من صفحة لكن الجود من الماجود ودوامي بكرا الساعة سبعة ولا كان كملت الى الفجر

..