السلام عليكم
و هاردلك الهزيمة

فريقنا خذلنا كلنا و اكبر المتشائمين ما توقّع هالنتيجة
بس اعتقد ان برشلونة يستحق الخماسية بدون نقاش .. ولا اشوف الحكم عذر
مثل ما تسلّك لهم تسلّك لنا
كارافاليو يوقف كورة رايحة لبيدرو و انفراد محقق بيده و الحكم يعطيه اصفر ..
بلنتي رونالدو ما اشوفه بهالوضوح بالعكس ..

اهم شي ما يكون التحكيم هو شمّاعة الخسارة .. نبي نشوف نقاش عن اسباب الهزيمة
و روقوا يا عيال ما تسوى الزعل و الكلام اللي ماله داعي

..

اعتقد في كل مباراة تكون فيه تشكيلة مناسبة قبل المباراة و تشكيلة بعد المباراة

يعني تتوقع تشكيلة مثالية قبل دخول المباراة بس يظهر لك بالمباراة انها العكس

و بعد المباراة تجي تقول كان المفروض كذا و كذا .. مع انه قبل المباراة كل المعطيات تقول ان التشكيلة الاولى هي الأمثل

اعتقد تشكيلة مورينيو كانت هي المثالية .. بس اللي فرق هو الادوار اللي شفنا اللاعبين يأدونها
بس لازم ناخذ بالاعتبار لعب برشلونة اللي قفل على مفاتيح اللعب و ضغط ضغط قوووووي على لاعبينا و هالشي ما يعطي اريحية لأي لاعب كان انه يحاول يأدي دوره او ينفذ الفكرة اللي براسه

ما استغربت نرفزة رونالدو .. هذي عوايده للأسف
بس يبقى افضل لاعب للريال اليوم
و راموس توّج مباراته بـ قدحة ... مو مالي عينه احد الأخ .. تصرّف صغير من الكابتن الثاني
ولا ننسى اربيلوا اللي لعب بـ قذارة .. و يمكن مورينيو نزّله لهالغرض بالذات

الخسارة يتحملها مورينيو و اللاعبين .. و مورينيو في المقام الأول
بس مو معناه انه يروح لمزبلة التاريخ او ينطرد او او او ..
مدرب كبير .. و هو طلب موسمين للحكم و حقّه

اتمنى مورينيو يلعب لعبته بـ انتشال اللاعبين من الاحباط لأننا محتاجينهم في المباريات الجاية
خصوصاً ان اصعب المباريات جاية بالطريق .. فالنسيا .. اشبيلية
ولازم ما نخسر اي نقطة و مع اي تعثر لـ برشلونة نقدر نرجّع صدارتنا



..

و مثل ما قال عبدالله عاشق .. كل ضربة بتعليمة و كل ما كانت اقوى كان الدرس اقوى
و حلو نكتشف اخطاءنا قبل دور الـ16

و العوض بـ فالنسيا

آسفين ع الإطالة
ننتظر ردّين كلثوميّين من المهايطيين الكبيرين ابو يوسف و ابو العزّ
و اطالب بتطبيق اشدّ العقوبات على يحيى لأنّه تفاءل قبل المباراة

تصبحون على خير .. و تفاءلوا (الا يحيى طبعاً)