ما بقى الا الفراق ..... قصيده ...
سلام يالربع
مساكم / صبحكم الله بالرضا والعافيه
هذي أول قصيده اشاركم بها في المجلس الموقر
وهي رساله ارجو انها توصل
ارجو انها توصل لراعيها
وطبعا ارجو انها تحوز اعجابكم
اخوكم
بسم الله
لا على عشقك تحيه ولا على الحب السلام
كلنا الليله ضـــــحيه وكلنا اللــــــــيله حزين
بس حزني فاق وصفي وفاق تصوير الكلام
وانتي ما ظني حزنتي بس يمكن تحـــــسبين
الحزن ما هو دموع تالي الـــــــــليل بظلام
ذرفتها بلحظه عينك وساقها جفن(ن) رهين
الحزن رحلة عذاب ساقها القلب للامــــــام
ما تراجع في عذابه ومدة الرحــــــــله سنين
يوم علمتك انا معنى المــــــــــــحبه والغرام
صرتي من جهلك علي يالغــــــــلا تتكبرين
صرت ادق كل يوم مليون دقه بانــــــــتظام
كني الجندي وكنك ركن دوله ما يـــــــحين
ما لي الا نجمتين فوق كــــــــــتفي يا حرام
وانتي فوق التاج ســـيفين في ضلوعي تبين
يومك بمكتب سموك في عرينك والــــــسلام
كنت انا بالشمس تطبخني لاجل احمي العرين
كنت اشوفك راس مال والتــــــــجاره في دوام
لين انا خسرت رهني وصرت في حبك رهين
رحت ادور لك عذر في صـــــدودك والصدام
كنت ادور لي عزى والعزى اني امــــــــــين
يوم قلت يابنت احبك كنت اعنيها تمــــــــــــام
كنت اعنى كل كلمه وكل مــــشاعر وكل حنين
كنت اشتاقــــــــــــــــك واوله واتحرى باهتمام
كنت احاتي كنت اداري كنت احلم بس بميـــن؟
بالذي باع الهوى واشترى وضع الفــــــصام
انفصمنا وانفطمنا وما ربحنا الا الانيــــــــــــن
بس وربي العظيم ورب البــــــــــــــيت الحرام
ما خسرت بيوم عزي واعتقد ما تجهلــــــــــين
دامني بدوي وربعي ياالغـــــــــــــــلا رجال يام
ما يهون بيوم راسي ومثلي هو اللي يهــــــــين
وماني براضي مذله لك والعشـــــــــــــره لزام
باذكرك بالخير دايم لين اصـــــــــــير بها كفين
وسلامتكم  | 