25/11/2010, 04:46 AM
|
 | زعيــم نشيــط | | تاريخ التسجيل: 06/11/2008
مشاركات: 773
| |
 | إقتباس |  | | | | | | | | | |
مبروك لجماهير روجير , طبيعي لا كان بمستواه محد يوقف
ضده , | |  | |  | |
والله ما أشوف هالكلام في الواقع .. فيدرير يا ما كان في عزّ مستواه مع ذلك يخسر
والعكس أشوفه عند آندي .. ما اذكر شفته خسر مباراة هو أحق بها ومقدم فيها أحسن ما عنده
والله وأنا اخوك يالسمي .. آندي استهزأ بالمباراة بقووة , وكأن يقول لشـ فيدرير خذ الـ 200 وأنت مرتاح .. آندي من قوّة الحواق حتى الشوطين اللي أخذهم في المجموعة الثانية بالعافية .. يعني أنت متخيل انه كاد يخسر في بطولة بحجم كأس الماسترز 6/0 .. والله قوية في حق لاعب من التوب فايف !
ىندي شوّه أقوى مباراة في المجموعة مع الأسف بأخطاءه الغريبة , واختراعات الحلول اللي مدري من وين مطلعهم للحدّ من قوة هجوم فيدرير
بالمجمل , آندي أعاد سيناريو مواجهته مع فيدرير الموسم الماضي بنفس البطولة , ولكن بشكل أسوأ
هاردلك محمد , خيرها في غيرها 
/
| | إقتباس | | | | | | | | | | |
بما انك جديد على اللعبه ..
لازم تعرف ان هالبريطاني مهايطي
قبل كم سنه صرّح أكثر من مره ضد فيدرر ..
فأتوقع فيدرر قال خلني أعطيه قرصة أذن قدام جمهوره .. عشان يتأدب ..
والجمهور البريطاني يحبون المتعه والدليل ويمبلدون .. وتفاعلهم فيها .. | | | | | | |
هههههههههههههههههههههه
هالقرصة متأخرة حييل  خسر نهائيين أمامه , وتوّ ينتبه ان محتاج قرصة
بس وشقصة هالتصاريح , وين سامعها ؟ ومتى صرّح فيها ؟
اول مرة أسمع هالكلام صراحةً .. ما أخبر فيدرير أو حتى آندي عندهم حساسيات مع أحد
ما أدري هل أنت من اللي قالوا عن آندي ان مغرور بعد تصريحه فيما قبل أستراليا الموسم الماضي يوم صرّح ان قادر على الفوز على نادال وفيدرير .
بس برضو يعني هالتصريح ما يعتبر ضد أحد سواءً فيدرير أو غير
ياليت تجيب مصادرك وأنا اخوك
/
لاعب ما ينطاق .. واتمنى له الشر طول الوقت
لكن ان يكون حاله بهالشكل .. لا صراحة عيب .. أنسب كلمة لوضعه في البطولة هي " مسكين " .. ما عنده حظ أبد في هالبطولة , عمل كل شيء مطلوب منه , ويمكن أكثر .. ما توقعت يقدم هالمستوى سواءً في مواجهته أمام نادال أو توماس .
من آخر الملعب كالعادة هو الأميز , صعود على الشبك في الوقت المناسب , أيسات كالعادة توب , ضربات فورهاند وباكهاند كويسة
شناقصه ما يفوز ؟!
صحيح فقد التركيز بعض الشيء في المجموعة الحاسمة امام نادال والمجموعة الثانية امام توماس , لكن ما ينلام بعد هالغبنة .. هو كان أحق بالمجموعة الثانية وحسم المباراة أمام نادال وأحق بالمجموعة الأولى أمام توماس !
هو يعصب كثير ويتنرفز على أقل شيء .. لكن في هالمبارتين ما أظن في أحد يقدر يمسك أعصابه , في الوقت اللي كان كل شيء بيده وفجأة يفقده غصّة قوية , بالذات ان روديك باين ان داخل البطولة ناوي على شيء بعد خيبة المواسم الماضية , لكن هالمرّة الحظ عانده كثيييير .
وغير الحظ , روديك في أكثر من مرّة تخونه اللمسة الأخيرة , سواءً بتجهيز الضربة بالوينر لخصمه أو الخطأ المباشر من قبله , ذكّرني بِـ نالبي أمام موراي في تورنتو , نالبي كان رغم اجتهادته المتفاوتة في المباراة إلا ان اللمسة الأخيرة كانت مفقودة تماماً , وإن كان روديك يعتبر أقل بكثير من نالبي .
بالنسبة لي , أشوفه هو الأميز في هالمجموعة , حتى أفضل من نادال اللي أبد أبد ما توقعته يظهر بالشكل اللي قدمه حتى أمام النول اللي قدم فيها مباراة أفضل بكثير من أمام روديك , مع ذلك روديك كان أداءه خرافي وإن كانت حظوظه تقلصت بشكل كبير بالتأهل بعد الخسارتين .
/
ما أقدر اعلق على المباراة صراحة 
ما توقعتها تكون بهالشكل نهائياً .. ان النول عيونه تخربط عليه كل شيء , أمر غريب
أوكي عرفنا سالفة بطنه , لكن هالعين من وين طلعت بعد !
النول ما عنده إصابات عضلية ولله الحمد , لكن التلفيق في أشيا ثانية حمد لله والشكر .. هي تنفس وإلا بطن وإلا عين , اشوي بيقول شعره !
ما أستهزئ باللي صار له , لكن جدّ شيء يغبن , يعني احين وين يلفقها هالنتجية .. ذلحين بهالنتيجة كأن ما عمل شيء , لأن الفرق بينه وبين توماس هو عدد الأشواط اللي عليه , وياليت الفرق 4 أو 3 على الأقل .. شوط واحد بس يالظالم !
ما أظن بعد هالنتيجة النول بيتأهل .. النول صار حول الثلاث مباريات ما تجرأ ان ياخذ مجموعة على الأقل من روديك , فما بالك بالفوز وخاصة مثل ما ذكرت ان روديك مقدم أداء ممتاز وآماله ما زالت قائمة بالتأهل .. فيعني بتكون آمال النول معلقة على مواجهة توماس ونادال , واللي ما ياكل بيده ما يشبع , صحيح التوقعات فوز نادال بمجموعتين دون رد , لكن اللي ما ينضمن هو نتيجة روديك والنول .
على كلٍ , أتمنى يخيب ظني ويتاهل النول .. ما لي وجه أحين اتأمل يتأهل الأول , كل همي ان يتاهل وبس .. ونقول بالتوفيق له بكره .
/
النقطة السودة في البطولة .. مدري يحسبها تشالنجر وإلا ايش
سيء × سيء ... مع روبن مدري كيف رجع في المجموعة الثانية , يلعب على الحظ فقط لا غير , ما عنده ما عند جدتي .. ليت فيرداسكو دخل اهون عليّ من خشش تمشي على عافيتها , ولا حتى تفكر ترمم من أداءها كأقل تقدير لحفظ ماء الوجه في بطولة بحجم كأس الماسترز .
 <<<<<<<<<  |
