الاختبار مش سهل ومش صعب يعني كلها تدور على فكره فكيتها فكيت الباقي وهي سهله مجملا
تقول لا تذآكر ؟ أقول ذآكر كيف تذآكر :
أحد الكتب اللي يقولونها إفتحها وتب تلقى قوانين الحساب الهندسي وغيره من الجذور واللوغاريتمات و و و
لها قوانينها لازم تفهمها وتحفظها تبي توفر عليك العنا لإنها تب تجيك أكيد
فهمتها وصميتها رح إمسك الأمئله وحل أكثر عدد ممكن من الاسئله وخلها تحدي بينك وبين نفسك !
ترا الإختبار مو المستحيل اللي يقولونه وتراه ونااسه جدا خذها فله وتعال مروق وكأنك تحل الغاز

صحيح جرب وانت تحل إنك تسولف مع نفسك هذي طريقتي اسولف مع نفسي اقول السؤال وش يبي والسؤال وش عطاني وكيف من اللي عطانيه السؤال اطلع اللي يبيه وبخطوات إلا وإنت حال السؤال
يعني شف وش عطاك وشف وش يبي وعندك أنت خلفيه مسبقه عن القوانين وحال اكثر عدد من الاسئله صدقني ما راح تواجهه صعوبه

ولا أحد يفرط حتى في الإختبار الاول وحتى الإختبار الأخير له كل شي بميزانه إظمن من بدري أريح لك
وإبعد عن اللي يثبطك أو يريحك ويقولك لاحقين خير (( زي كلام أخونا اللي يقول ريح وإدخل وشد بآخر 2 !!! ))
تراه نظام الإنحراف المعياري يعني درجتك الأولى تحدد الأبعاد لدرجاتك الجايه
بمعنى إنك لو جبت 60 غالبا ما راح تزيد عن 73 تقريبا ولا راح تقل عن 50 تقريبا
لإنه نظام إنحراف معياري فشدوا حيلكم من اول

والله يوفقك الجميع