بالنسبه للميزانية ..
للأسف ياكثر ماقلنا بنسوي ميزانيات بنضبط امورنا
برامج واساتذه ومؤلفات تكلموا بها الموضوع لكن التطبيق قد يكون صعب عند الاغلبيه
يعني اللي يبغى يوفر عشان يشتري غرض بيوفر عنده دافع..
لكن المشكله في ضبط الصرف وتقديم الكماليات على الاساسيات
الموضوع يحتاج عزم وهمه منك ومساندة من اللي حولك وبتسوي ميزانيه
تجعل حياتك ميسره بإذن الله..
بالنسبة لثقافة التسوق..
تكاد تكون معدومة عند الاغلب المفروض الشخص يطلع ومحدد هدفه
لايطلع للسوبر ماركت وهو جوعان بيضف كل شئ قدامه
يحاول يشتري الاغراض المطلوبه ويغمض عن الباقي ايه هين >> علمي نفستس
ويطلع ويعوّد نفسه على هالشئ الى ان تصير عاده ..
والمفروض يزرع هالشئ بأطفاله انهم يحددون الغرض من التسوق
كذا يكبح جماح هوس التسوق والشراء ..
بالنسبة لقل الكلافه ..
ما احس توصل الا بذخ يعني الانسان بطبعه كريم
ومن تقدير الضيف حسن الضيافه والتقديم الجيد ..
يعني المتعارف عليه نسويه شاهي وقهوه وتقديمات وعشاء
كل شئ بالمعقول هم عندهم بخل مع احترامي ..
بالنسبة لتنظيم الوجبات ..
ثقافة الاكل ببساطة عندنا سيئه ..
اكل غير مفيد لسد الجوع واغلبه وجبات سريعه
وعادات خاطئه منها الاكل بسرعه وعدم تنظيم الاكل ياكل من كل شئ مره وحده ..
وخربطه بالنوم واختلاف مواعيد الاكل وعدم الحركه كلها تؤدي للسمنه وامراض كثيره ..

ببساطة الانسان يستطيع ضبط نفسه واعادة هيكلة نظام حياته بإرادته ومتى ماحس انه بمشكله ..
يعطيك العافيه اخوي على الموضوع المنوع والجميل واسفه على الاطاله ..

دمتم بخير ..‘‘