صباح الخير جميعا

بالنسبة للشباب اللي تكلموا عن المستوى بالمباراة الأخيرة

طبيعي بعد ضغط مباراة وبداية بنفس الـ 11 لاعب لجميع المباريات

حتى المباريات الودية ومباريات الكأس ومباريات الفيفا أغلب الأساسين شاركوا لوقت كبير

ومبدأ المداورة للحين ما تطبق ،،

طبيعي المستوى بينزل شوي وبالعكس حلو إنه نزل الحين مو في الكلاسيكو

وأتفق معكم تماما بالأخطاء الدفاعية القاتلة خصوصا من بيبي وأبو كدش : D

البلنتي بصراحة ما تمنيت راموس يسدد عشان كريس يرفع أهدافه ومعدله الهائل حاليا .

هيقوين في المباراة بصراحة أعجبني لأول مرة بالموسم بعد مباراة السداسية

مكاتفته للدفاع بالهدف ممتازه وتمريرته لأوزيل كانت أفضل بعد وإن شاء الله يستمر بهالمستوى وأفضل بالكلاسيكو

مباراة أياكس بتكون بدون طعم لأن التأهل مضمون وبعدها الكلاسيكو ولاعبينا مرهقين شوي

أتمنى من مورينهو يريح الأعمدة الأساسية بالفريق ( كارفالهو ، ألونسو ، خضيرة ، كريس ، أوزيل )

حتى مارسيلو لو لعب أربيولا قدام أياكس بيقدم مستوى ممتاز وهيقوين إراحته مطلوبه بعد

في الكلاسيكو عندي وجهة نظر غريبة وهي إن مورينهو يلعب بمارسيلو جناح وأربيولا ظهير ويسحب دي ماريا

كذا بتكون التغطية على ميسي أفضل بكثير ولا تستبعدون من السبيشل ون يطلع بتكتيك غريب في الكلاسيكو " المنتظر "

مدريدي : الله يعطيك العافية سليم على فك كاميرات ساهر الفترة هذي، الرابطة تحررت شوي .

بطولات زعيم : ردودك من الردود اللي أحرص على قرائتها ويا ليت تكثر منها وأسئلتك النقاشية تعطي الرابطة جو ثاني وتكشف لنا تفكير كثير من الأعضاء.

Glamorous Madrid : أفضل محلل بالرابطة مع إن ردودك بالقطارة يا ليت تكثر منها .

الشباب اللي ينقلون الأخبار تسلم يدينكم والله شغلكم ممتاز جدا لا عدمناكم .

ياسر