معليش من زمان ما رديت بس هالكم كلمة من زمان ودي أكتبها وأقول بعدين بعدين

أنا نفسي أفهم بس من الموسم الماضي واللي قبله واللي قبله وش شايفين بهيقوين ؟
راح وإلا جا وبأحسن مستوياته يبقى مهاجم عادي !! وأنا شايف تقريبا أهدافه كلها ومن جيته للريال هو وقاقو وأنا أتابعه
بس ما شفت هالتميز اللي تشوفونه أنتم ؟

فقط لأنه لعب عدد كبير جدا من المباريات ووراه خط وسط ممتاز يضع له فرص سهلة جدا سجل عدد أهداف كبير وأتحدى أي واحد
يثبت العكس ويجيب "أهداف كثيرة" من صناعة هيقوين لنفسه أو تسديداته أو خلو نقول أهداف صعبة أصلا ؟
أي لاعب لو كان مكان هيقوين بيسجل مثل هالأهداف وأكثر بدون مبالغة لو لعب ممادو ديارا بمركز هيقوين بيسجل قريب من هالعدد
شفناه مع الأرجنتين برضو أهدافه قدام المرمى وكذا وضعه مع الريال
أكيد له أهداف حلوة وله بعض الميزات بس صعب جدا إنك تصنفه إنه مهاجم كبير وغير قابل للمساس !!ا

يحسسني بعضكم إنه بمهارات رونالدو البرازيلي وكنترول زيدان وتسديدات باتيستوتا وتهديف نستلروي !!!
لاعب ما عنده مراوغة وما عنده تمركز مليون مرة تشوفه رايح للجناح يهز راسه ما يدري وش المطلوب منه
ياخذ الكورة يرجعها للي أخذها منه !!

حماسه هالموسم وقت المباراة غريب !! تشوف وجهه تدري إنه مو يم المباراة أصلا دايم مفهي
ما عنده حس جماعي ما تحس بحماسه وفرحته إذا غيره سجل هدف - برضو هالموسم -

جسمه عادي ورأسياته ضعيفة تعامله أمام المرمى بالإنفراديات يختلف من يوم ليوم وعلى حسب أهمية المباراة
يتميز بإضاعة الفرص السهلة بكافة الطرق والأشكال والأوقات الحاسمة!!

* صح إنه في كثير من الأحيان يحسم مباريات ويسجل أهداف وهذا هو المطلوب منه بالأخير بس يبقى لاعب عادي .

مع هالكلام كله إلا إني أتمنى إنه يسجل في كل مباراة وإن كلامي يكون خطأ ويصير هيقوين من أفضل مهاجمين العالم ، لن الفايدة بالأخيرة للنادي الملكي وهذا اللي كلنا نبحث عنه : )