تصدقون كرهتونا بياسر ..ناس تمدح وناس تشرشح كأنهم الشتالي والا تشيزاري مالديني .!!

كل يوم والثاني مطلعين عيب في ياسر .!! مرة ماجرب الدكة ,, اللي يشوفكم يقول الدكة كامري جديدة لازم يجربها , واللي يقول ياسر تشبع من الإعلام .!! ومرة يقولون ياسر ماعنده لاعب ينافسه .!! والحين وزن ياسر ههههههههههه

الموضوع ومافيه ان ناس تكره ياسر وهذولا انا اعرف بعضهم شخصياً وصار الموضوع عناد في عناد ,, الا غصب ياسر لاعب فاشل .!! ولو تحاول تكلمهم قالو قبل 800 سنة ضيع هجمة .؟ ولو يسجل ياسر مليون هدف ويضيع هجمة قالو قلنا لكم وكأنهم جابو راس غليص

طبيعي كل مهاجم يضيع هجمة ويقل مستواه . لكن ياسر العام مسجل 22 هدف في الموسم وهو معدل ممتاز للي يفهم كرة القدم ,, لكن اللي يبي مكينة أهداف يروح يصنع له مكينة ..

كل يوم والثاني يجي عضو فاضي ويكتب عن ياسر ..


مادري ليش الواحد منكم ماينتظر لين يرجع اللاعب ونشوف مستواه .!! فاهمين النقد خطأ وتعتقدون انكم بتعدلون الوضع ..


كلام مردد كل يوم ينقال ومافي فايدة منه وعسى ياسر مايقرا كلامكم ولايدري عنه ,,

والحمدلله ان ياسر يشارك أساسي والمدربين واثقين بقدراته ولا درو عن هالكلام المكرر والممل ..

باكيتا + كوزمين + جيرتس + لكينز + كالديرون وبيسيرو وانجوس كلهم حطو ثقتهم بياسر وماجابو لكلامكم خبر .. والا انتم افضل من جيرتس وكالديرون وكوزمين


انا يهمني الهلال ويهمين ياسر ويهمني كل لاعب ..

انا احياناً ابي انتقد ياسر على مباراة او تصرف مايمديني .. كل العالم حاقدة عليه .. عشان كذا ادافع عنه بكل مكان وبكل زمان ومهما كان لان الوضع زاد عن حده بصراحة وصار كل عضو يشكك بياسر ومستواه ..


سبحان الله قلتها في نهاية 2008 اذا واصل جمهور الهلال تكرار نفس النغمة راح يكون ياسر مثل سعد الحارثي متذبذب المستوى مايدري من يبي له الصالح من يبي له الشر ..والفرق ان ياسر مهاري ويلعب باليمنى واليسرى وفعال بالرأس والمراوغة والتحضين على الكرة .. عكس سعد الذي لايجيد شي ..



عموماً انا اللي اشوفه ان ياسر يقدم مستوى جيد واحيان ممتاز ومباراة او اثنين بالموسم يكون اقل وسيء .. وماراح اقتنع الا اذا دا مدرب وحطه احتياط وقتها اعرف ان ياسر فعلاً يحتاج الى اعادة نظر لنفسه .. لكني يجي عضو مادري كم عمره وهل جرب الكورة وهل هو هلالي صدق وينتقد على الطالعة والنازلة فهذي سواليف ماتمشي










.. والله يرجعه بالسلامة