^^
شباب ، ماحد ينكر ان المان هالسنه يفتقد للاعبين السوبر ستار .. بالعربي لاعبين يشيلون فريق وهذا طبيعي لأن السير مازال يمشي على نفس السياسه جلب اللاعبين الشباب وتطويرهم .. أعتقد هالسياسه تنفع يوم يكون الفريق أصلاً متميز بلاعبينه واكبر مثال كريستيانو وروني في وقت مضى جوا لللمان ووقتها المان كان اصلا فيه لاعبين مميزين وشايلين الفريق وبالتالي هذا يساعد اللاعب الشاب على البروز لأنه يحتك بلاعبين جاهزين فنياً ونجوم واصحاب خبره ، حتى من ناحية الضغط راح يخف كثير على اللاعب الصغير والشاب لأنه مو مطلوب منه شي كثير او تحمله مسؤوليه كبيره .. مافيه احد يشكك في امكانيات هرنانديز لكن حنا نشوف انه مو دايم بالفورمه وهذا طبيعي لأنه مازال صغير ومازال اول موسم له .. ناني ماصار لاعب تعتمد عليه الا بنهاية الموسم الماضي ولا قبلها ماكنا راضين عن المستوى اللي يقدمه هذا اذا كان فيه مستوى اصلا !! ناني كان سيء ومن أسوأ اللاعبين بداية الموسم الماضي وفي بالي مباراه مانساها له اللي هي قدام ستوك في ارضهم .. كان ناني سيء وكنت استغرب كيف ناني الى الآن يلعب في مانشستر !! .. لكن شوي شوي وبنهاية الموسم الماضي صار يبدع اكثر واكثر وهالموسم صار لاعب مهم بالنسبه لنا ونسبة صناعته للأهداف زادت وهذا هو المهم .. نفس الكلام ينطبق على اوبرتان ، اوبرتان لاعب جيد وعنده موهبه لولا بعض العيوب اللي عنده واللي متأكد مليون بالميه انه راح يتغلب عليها مع الخبره والممارسه .. أهم نقطه ان اللاعب الشاب ماعليه ضغط كبير ويدخل بين مجموعه جاهزه فنيا وبين نجوم يفيدون الفريق وهذا اتوقع اللي يفتقده المان حاليا .
