الموضوع:
صـادنـي سـاهـر يـا جـمـاعـة
مشاهدة مشاركة بصفحة مستقلة
#
1
14/11/2010, 06:03 PM
abo-homood
زعيــم مميــز
تاريخ التسجيل: 25/07/2007
المكان: яỉчαḋн сỉтч
مشاركات: 1,685
صـادنـي سـاهـر يـا جـمـاعـة
في ظهر هذا اليوم الجميل وعندما انتهيت من تناول وجبة الغداء اتت رسالة على جوالي
توقعت انها احد الاعلانات او كول مي
لكن للاسف
مخالفة مرورية بتاريخ 11/11
هذه الرسالة التي افسدت جوي وزادت من آلام الانفلونزا آلاما اخرى
لنعود بالاحداث الى ذلك اليوم
في ذاك اليوم كنت رايح اقضي بعض الاشغال وكنت ماسك طريق التخصصي شوي
الا وذاك الشي اللي يبرق في وجهي قلت اكيد مراية سيارة وتركت الموضوع في
يوم الجمعة اللي بعده كانت الخالة العزيزة تقول سالفة ولدها اللي صاده ساهر ومن
ذاك اليوم وانا شايل هم بس كنت اقول في نفسي اني انسان ملتزم ومحافظ في
الطريق ما اتوقع انه يكون ساهر تركت الموضوع وراح يوم السبت وجاء اليوم يوم
الاحد ويوم تغديت وخلصت الا وذي الرسالة قلت خلني اشوفها مخالفة مرورية بتاريخ
11/11 يعني يوم الخميس 5/12 واروح ركض على اللاب وافتح موقعهم واكتب رقم
المخالفة وطلعت
تجاوز السرعة المحددة بمقدار لا يزيد على 25 كم/ساعة - رصد آلي
ماتوقعت كانت بمثابة الصدمة بالنسبة لي وسعرها 300 ريال المشكلة مو في الدفع
المشكلة كيف اقول لابوي وخصوصا السيارة باسمي طبعا لكن الوالد هو اللي بيدفع
طبعا اليوم رحت مشوار بعد صلاة العصر واول ماركبت السيارة ربطت الحزام
وماتعديت السبعين خلاص توووووبه سامحني يارب ورجعت من مشواري وانا متأكد
اني ماسويت شي وصليت المغرب وفجأة رسالة ثانية
طلعت مخالفة مرورية للمرة الثانية وعلى نفس الطريق لكن وانااا راجع في الظهر و
300 ريال يعني المجموع 600 ريال ياحبيبي
وانا الان اكتب لكم الموضوع وخايف تجيني رسالة تبع المخالفتين اللي قبل عدم ربط
الحزام
الله يستر
تدرون وش يرفع الضغط ان فيه ناس تقطع الاشارة ولا اشوف لافلاشات ولا هم
يحزنون اليوم 2 قطعوا الاشارة واشارتين مختلفتين وبالنسبة لموضوع تحديد السرعة
اعتقد الاخوان هنا اعطوا حقه وزيادة
الموضوع للنقاش ياجماعة وطبعا هذي قصة حصلت لي شخصيا والرسايل جتني اليوم
ملاحظة:
ان لم يتم التسديد خلال شهر سترتفع العقوبة الى الحد الاعلى
من اليوم اول ما اركب اربط الحزام وما اتعدى 70 بس خلاص وش عقبه
انتبهوا ياجماعة لايصير لكم مثل ماصار لي
طبعا مكان الكاميرا حسب ما اذكر عند سياحية مول لان الفلاش كان جاي من هناك
شكرا لكم
وعيدكم مباركـ وساهر ضحوا فيني مالقوا الا انا
العذر والسموحة الموضوع جاء بسرعة
abo-homood
مشاهدة الملف الشخصي
البحث عن كافة المشاركات التي كتبت بواسطة abo-homood