بيض الله وجيهكم عبود و نايف ما قصرتوا

أخيراً بشوف جولة في الرياض اجازة وقتها مضبوط جولتين انجليزي و جولة ابطال .. تكفيني

بداية الجولة بتكون نار طبعاً .. الفيلانز له فترة طويلة على ما يبدولي ما فاز على المانيو في الفيلا بارك .. أونيل ما قدر يسويها .. و ما ظنيت يسويها أوييه .. الفريق وضعه صعب مع الفرنسي آخر ست جولات ما قدر يفوز ألا في مباراة واحدة .. و هي المباراة الأخيرة .. إن شاءالله تكون دافع للفريق و يقدر يعطل المانيو لأنهم ما انهزموا الى اللحين في الدوري و هم الفريق الوحيد اللي ما انهزم .. مهوب في الدوري بس الظاهر في كل البطولات ما انهزم :@ و هزيمته بتكون صعبة بسبب الاستقرار في العناصر الدفاعية من حارس و دفاع و محاور .. لكن ان شاءالله يسوونها الفيلانز

فيه كذا مباراة ممكن تكون ممتعة مثل السبيرز و الروفرز الماكبايس و فولهام .. لكن المباراة اللي اراهن عليها انها بتكون قمة مباريات الساعة 6 هي مباراة السيتيزن و بيرمنجهام .. الفريقين جامدين .. ما فيه مقارنة عناصرية بينهم .. لكن بيرمنجهام من الفرق الغثيثة على ملعبها و خارج ملعبها .. و فيه عناصر جيدة جداً .. بالاضافة الى ماكليش المدرب لا تفوتكم

مباراة السهرة تسوى بعد .. ستوك سيتي و ليفربول .. الريدز برجعة توريس الكبيرة للتهديف في آخر أربع مباريات كان يصنع أو يسجل .. هاللاعب بدا يرجع و إن شاءالله يستمر بالعودة إلى أن يوصل للتوب .. برجعته و بصحوة الفريق اللي طلعته من أسفل الترتيب هالمباراة بتكون مهمة لهم عشان يقربون للمراكز الاربعة المتقدمة .. و ستوك حتى مع خسائره و تعادلاته الا انه واحد من الفرق اللي تقدم مستويات كبيرة و شبه ثابتة .. لكن مشكلة بوليس انه راكن فاولر في الاحتياط زيادة عن اللزوم !! عكس اول كان يعتمد عليه اعتماد كبير جداً



لي رجعة ان شاءالله للكلام عن مباريات الاحد

الله لا يهينكم