في البدايه يعطيك العافيه يا راعي الموضوع

النقطه اللي جاي بأتكلم عليها و هي نقطه ذكرها عبدالمجيد
بخصوص هالصيت المبالغ فيه و اللي ما يستحقه مورينهو
و ذكر من خلالها أيضا الأموال اللي دفعت له و كيف بالحسبه طلع خسران و آخر شي طرد من تشيلسي ..

صراحه تظليل للقاريء كلامك أخوي عبدالكريم و تحاول تشوف الموضوع من زاويتك اللي تبغاها فقط
ولا أنت مستعد فقط تقول موربنهو من أفضل المدربين
تقول أنت في بورتو الكل يجمع إنه إنجاز < طيب إنجاز اوكي وش وضع مورينهو هنا صدفه لقحت و إلا وش؟
ما تكلمت كثير في نقطة الإنجاز و كيف كان دوره ..؟!

تشيلسي دخلت طاري الفلوس في الموضوع و طلع الموضوع مقارنه بين اللي صرفه و بين اللي حققه
و الناتج إن مورينهو فاشل بعد الحسبه + لأنه إنطرد في نهاية الأمر ..

أتوقع لو تسأل أي تشيلساوي و تقول له قبل ما يجي مورينهو كم ودّك تدفع علشان تشوف فريقك شايل البريمير
وش ظنك بيقول ؟
إنت تتكلم عن تحديات شي خيال 50 سنه عن دوري وحيد حققه و يجي مورينهو و يجيبه مرتين متتاليتين من أول موسمين ..
كينون جا لمورينهو وقال له ودنا تدربنا بس الريّس خايف شوي من شخصيتك
و المشاكل اللي ممكن تصير بسببها (طبعا الريس أبراموفيتش) ..
قال له مورينهو شخصيتي و شخصيتي ذبحتونا تراكم ,
ثم زبد لكينون و قال له تبون بطولات؟ تبغون الفوز؟
قال كينون إيه قال له أجل ما عليك من شخصيتي ..

شف الثقه بس هذا و هو يتفاوض معهم ..
وشف وش النهايه جاب لهم بطولتين دوري < الفوز و البطولات ..

و إذا على طاري فلوس أتحدى مدرب مثل مانشيني و عنده هالدراهم و الزاد البشري و يجيب البريمير
أنا أسحب كلامي كله إذا فاز بالدوري مب السنه هذي خل السنه هذي خلنا نقول إنسجام أبيه يجيبه السنه الجايه ..
وين مارك هيوز بالفلوس في نفس الدوري و نفس الفريق ليش ما حقق البريمير أوالـ fa أو كارلينغ أي شي ..؟!

و إذا على طردة مورينهو من الفريق تراه قال على ما أذكر
(أنا ما أفقه بالتجاره مثل ما أبراموفيتش ما يفقه بالكوره)
و إلا لو فيه واحد يفهم بالكوره يشيل مدرب جاب له إنجاز من أول موسم في الدوري ؟

مورينهو في الإنتر قبل كل شي ترا جا الموسم الأول و إشتغل على الفريق و كان الموسم الأول تقييم للعناصر
بسبب إنه قراءته كانت خاطئه في اللعب و الإسلوب اللي راح ينتهجه في الكالتشيو فهذا قلل من بروزه بشكل كبير في الموسم الاول
الموسم الثاني كرش أبو العاهات و جاب بدالهم لعيبه زي الناس في المراكز اللي فيها نقص في الفريق
بالظبط تماما مثل ميركاتو برشلونه في موسم الثلاثيه مع قوارديولا (ألفيس-سيدو كيتا-هليب-كاسيريس-بيكي)
وضبط الأمور كلها و إكتسح بداية من دور الـ 16 حتى النهائي و فاز ..

يعني أنت بس لو تشيل موضوع الفلوس و الصرف على جنب
لأن الفلوس عمرها ما جابت بطولات إلا بتواجد إداره صاحيه تعرف تختار جهازها الفني
و الشواهد كثيره ..