نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

سفيرة الزعيم 14 · #6 04/11/2010, 03:57 PM

إقتباس

الرسالة الأصلية كتبت بواسطة حسن القحطاني


	حيا الله الدكتورة سفيرة أولا الله يوفقك وتكملين دراستك وتنجحين في عملك تأكدي أن الشخص أمير نفسه وهو اللي يقودها إما للتحليق فوق هام السحب وإلا الغوص في الوحل بس بتكلم معك بصراحة في البداية كنت أشوف الوضع طبيعي , دام البنت محترمة ومحافظة على نفسها أكيد الكل بيحترمها والوضع أمام الجميع يعني اختلاط مثله مثل اللي يصير في الأسواق والمجمعات وفي أي مكان وبعدين بناتنا درسوا في الخارج وواجهوا أقسى من الإختلاط واجهوا غربة وثقافة منفتحة في بلدان ثانية وما انحرفوا ولا صار لهم شي طبعا هذي نظرتي وأنا بعيد عن هذا المجال قبل فترة مرض الوالد الله يشفيه ويقومه بالسلامة وجلست مايقارب 8 شهور مرافق له في المستشفى كنت مرافق 24 ساعة في اليوم و6 أيام في الأسبوع ويوم واحد بس كنت أخرج للبيت المهم في هذي الفترة كنت قريب جدا من جو العمل حتى أني صرت مطلع على نظام العمل والمناوبة وعرفت عن قرب أدق تفاصيل الحياة اليومية للمرضين والأطباء من الجنسين بصراحة الله يكون في عون السعوديات العاملات العيون تلاحقهم بشكل مستفز مرضى ومرافقين وأطباء وممرضين ومراجعين وإداريين وتصوري حتى حراس الأمن ما سلم الممرضات من أذيتهم العالم عقولهم مريضة أول مايشوفون السعودية بالبالطو الأبيض كأنهم يشوفون عارضة أزياء والا بنت بعباية مخصرة ولبس فاسخ في مول طبعا الخطأ مو على البنت في هذا المجال , الخطأ على عقول الناس اللي ما أدري كيف تفكر اللي زاد الوضع سوء أن فيه نماذج لبنات سعوديات في هذا المجال سيئة للغاية مع كل اللي قلت لك عليه أحتفظ بأشياء ما أقدر أبوح فيها وبقولك من هذي المواقف أقلها ممرضة دخلت وأعطت الوالد العلاج وهي تبكي وسألتها عن السبب ماردت علي رجعت سألتها : أحد ضايقك ؟ انهارت تبكي وتقول فلان أخذ مني رقم جوالي بالقوة وهددني لو تكلمت يفضحني في المستشفى طبعا هذا الشخص مسؤل في المستشفى وللأسف يدعي الإلتزام المفروض ماتلومين شخص يحاول يحافظ على أغلى مايملك في مكان يحتاج الى ضبط أكثر بسألك سؤال قريب من الموضوع : لو أم علمت ولدها اللي عمره 5 سنوات كيف يقطع الشارع , تتوقعين بتكون مطمئنة وهو يقطع الشارع لوحده والا بيكون القلق ملازمها مهما علمته ؟ وعلى الفكرة الإسلام حرم الخلوة لكن ماحرم الإختلاط الله يوفقك في دراستك

كلامك كان بالصميم أخي الفاضل

فلم تترك لي مجالا بالتعليق او الرد عليكـ ‘‘

لكن أليس بالظلم أن أترك وأتخلى عن طموح ظل يراودني منذ صغري من أجل ماذكرته ؟؟؟

اسأل الله ان يلهمني طريق الصواآاب ‘‘

ومشكووووووور أخي على كلماتك الجمييلهـ ذات الوقع الخاآاص ‘‘

لا هنت