بغض النظر عن الأخطاء التحكيمية .. شوفوا المبـارة بنظرة ثانية .. وركزوا على النظرة الفنية للفريق بشكل عام خلال 90 دقيقة .. شخصياً مبسوط جداً من مستوى الفريق
في هالمبارة والي عوضني بنسبة كبيرة على النتيجة .. ريال متسيد وريال فرض شخصيته على ميلن الكبير في السان سيرو .. ولولا لطف الله بهم كان صارت حفله اهـداف
وهذا بالنسبة لي شي مهم جداً .. السؤال هنا ! .. من كان يتوقع الفريق يوصل لـ هالمرحلة من الأنسجام والأداء في هالفترة ؟؟ .. لما نرجع لوقت القرعة الغالبية ما تمنت
ان الفريق يكون في مجموعه قوية لـ أسباب منطقيه في وقتها ابرزها ان الفريق راح يكون عظمه طري ومابيظهر كل الي عنده وليش لا ممكن يودع بدري .. الي صار
حتى الآن ان الفريق متصدر مجموعته بدون اي هزيمة ومتأهل لـ الدور الثاني ولو انه مو طموح بس لمجرد اننا نشوف النقله النوعية الي صارت للفريق في هالفترة
الزمنية القصيرة .

مبروك لنا المستوى الممتع ، ولاتعليق على النتيجة !!



احلى خبرين في هالمبـارة .. راموس - هيغوايين .. رجعت هالأثنين بمستواهم المعهود بينذر بمباريات مجنونه جاية منهم .. بأتكلم عن هيغوا اولاً .. ويعذرني سليم فيهـا
لكن التطرق راح يكون مقارنة بسيطة جداً بعيداً عن التسجيل على الفرق الكبيرة ولا الصغيرة .. الكلام على المستوى !! .. هيغواين لعب احلى مباره له هالموسم امس ، كلنا
شفنا هيغواين يتحرك ويمرر ويظهر ويسدد .. لما ترجع لـ سجل هيغواين في المباريات الكبيرة غالباً ما يكون مختفي .. لكن أمس !! .. هيغواين هذا الي نقول عليه الي
يظهر في كل المبـاريات لأن الأمكانيات عنده وكل المقومات الي يتطلبها بروز اللاعب موجوده من مدرب لـ فريق مساعد لكل شي .. متفائل جداً بـ هيغواين في المستقبل
وان شاء الله تكـون بداية الأنطلاقة لـ الأفضل يا بيبيتـا .

راموس !! .. هنا تظهر قيمة راموس افضل ظهير ايمن في كأس العالم .. بصراحة ما توقعت 1% ان راموس بيكون في هالفورمة .. بالعكس كنت متخوف منه وتمنيـت
مورينيو يبدأ بـ اربيلوا الأجهز قبل المتش .. لكن راموس و بهـ المستوى .. كسبنا رجعه ظهير ايمن .. وبكذا بتكون عندنا جبهتين مجنونه مع مارسيلو على اليسار .

==

نهـاية الأمر .. قبل المتش أكيد تمنيت الفوز .. لكن توقعت التعـادل .. وهالكلام كان بيني وبين ثامر امس قبل المتش .. فـ التوقع الأمثل اننا نطلع بتعادل وهذا مكسب
بالنسبة لنا بغض النظر عن المستوى .. حكاية لعنة السان سيرو وهالحكي الفاضي .. ما يهمني ابداً دامني طلعت بنتيجة ايجابية والأهم ما طلعت مهزوم .. كلامي على
النتيجة المسجلة في نهاية الأمر بالنسبة للشخص الي ما شاف المتش .

==

رؤوف خليف !! ..
كسبت كره المدريديستا العرب .. تحيز بشكل مش طبيعي لدرجة اني لأول مرة اغير المعلق
لـ الأنجليزي ورؤوف هو الموجود على التعليق العربي .. شكراً لـ الجزيرة على هذا التحيز


==

سرقة للوقت عشان ارد خخ .. اخر اكزام قبل الأجازة عندي السبت .. دعواتكم