الفريدي !! وما أدراك ما الفريدي !

هو متعة المبارات بالنسبة لي
والله كل مامسك الكورة أني استمتع بلمساته ومهاراته
وماشاءالله عليه الله لا يضره ، السحبة بالثلاثة ماتعوق معه

ياناس لاعب مقاتل ومهاري بدرجة كبيرة
صح أنه بطيء أحيانا... لكن يبقى لاعب كبير وله ثقله في الملعب

أبيك تشوف مباراة أصفهان يوم طلع من الملعب ماعاد شفنا هجمات
وهذا نفس اللي صار في مباراة القادسية ... من أول ماطلع صار اللعب طقها والحقها

أول ثلث ساعة قبل ما يصاب كان شايل الفريق شيل
وللأسف ... كل اللي جنبي في المدرج أول مايمسك الكورة تبدأ النرفزة والصيحات اللي مالها داعي
تبيه يلمس الكورة وهدف مثلاً ؟؟
ياخي غيره من اللاعبين يركضون ويتحركون بسرعة بس ماسووا نص اللي يسويه من الأخطاء اللي يكسبها وقطع الكور الصحيح والتحرك بدون كورة والتمريرات الخطيرة
وش ذنبه إذا كان ضده 10 مدافعين ؟!

وللأسف أني اسمع بعض الجمهور بعد ماطلع يعالج في الشوط الأول ... يدعون أنها إصابة !!
للأسف جمهور سقيم بكل ماتعنيه الكلمة

وللمعلومية طريقة الفريدي وأدواره فيها تشابه كبير مع اللاعب الكبير تشافي في برشلونه
يلعب محور .. ولا يتميز بالسرعة الكبيرة وفيه مهارة عالية ويستطيع يسحب باثنين وهو ماناظرهم أصلا

ما أبي أقول عطوه فرصة ياجمهور لأنه بكل حق مثبت نفسه ومايحتاج للفرصة .. لكن عطوه حقه على الجهد اللي يسويه ولاتظلمونه

وإلى الأمام يا أحمد .. وإن شاءالله نشوفك أبويعقوب جديد للكرة السعودية