بعد .. السلام عليكم ورحمة الله وبركاته .. جميعاً

اقول هارد لك للهلاليين التعادل .. لكن التعادل لن يكون له ذلك التأثير

لان مستوى الدوري بشكر عام هزيل السنه هذي مقارنةً بالموسم الماضي ..

اما فيما يتعلق بالهلال اليوم ..

المدرب لا يلام بشكل كبير اذا كان يستشيل سامي ..

برود بشكل غريب طغى على كل فرد من افراد الفريق سواء لاعبين او جهاز فني ؟؟!!

عتبي الكبير على الاداره .. وهو انه تطرق اكثر من شخص من خلال المنتدى إلى ان الادارة

الهلاليه عندها علم ان جيريتس ما راح يستمر مع الهلال من فتره طويله .. ومع هذا إلى يومنا هذا

لم يتم التوقيع مع مدرب يحل مكانه .. على حد علمي من خلال تصريحات شبيه الريح ان مدربا

سيخلف جيريتس بعد رحيله مباشره ؟؟!! والظاهر ان السالفه راح تطول .. سامي يبغى كالديرون

والاداره تبي شي واعضاء الشرف يبون واحد ثاني .. و ( الطاسه ضايعه ) مع احترامي الشديد ..

أما بخصوص لاعبي الهلال ..

انا راح اقسو عليهم .. واقول اليوم كل اللاعبين بما فيهم افضلهم ( الفريدي ) اظهروا عدم

الاحترافيه .. والاحترافيه في عالم كرة القدم ( على بلاطه ) تعني انك تؤدي واجبك على اكمل

وجه .. ان احسنت فهذا واحبك وان اسأت فأنت مقصر ..

كل لاعبي الهلال اليوم ( وبنسب متفاوته ) صادقوا على الرأي اللذي يقول .. المدرب مؤقت ..

يعني المدرب ما شي ما شي .. يا عمي اذا جا المدرب الجديد يحلها ربك ...

ولا وش تفسير تصرف الفريدي ؟ ( رغم موافقتي للاخوه انه تبديل خاطأ جداً حتى انه الفريدي

كان اليوم افضل من ويلي والشلهوب كذلك ) لكن استغرب ان يوافق سامي المدرب على التبديل

وانا الوم سامي لان الواضح من خلال المباراه ان المدرب يستشير سامي في كل صغيره وكبيره

تحياتي .. والمعذره على الاطاله ..