|
مباراة جيدة نسبياً ، أراهن على الجهني !!
السلام عليكم ورحمة الله وبركاته
هاردلكم على التعآدل المر .. كان الأداء جيد إذا رجعنا لظروف الفريق ..~
بدون مدرب ، 8 لآعبين خآرج التشكيلة ، والأسباب تأتي بعدها !
تضييع الفرص ، تضييع الفرص يآ عااالم .. هو من أضاع وسيضيع الهلال
في المستقبل ، تذكرون يوم ننصك بـ 8-0 من ألمانياً ؟ وش سوت ألمانيا
عشان تفوز بهالنتيجة الكبيرة ؟ .. أي فرصه تجي تتسجل ، مافيه تفريط بالفرص !
ياخي والله كل مباراة للهلال يقدر يفوز بالخمسة والستة ، لكن فرص بالجملة
تضيع من المهاجمين .. وعلى ذكر المهاجمين ، اليوم لعب فهد الجهني أول مباراة
له مع الفريق الاول وبالوضع الصعب اللي عليه الفريق .. قدم فهد دقائق مثالية جداً
أراهن على هذا اللاعب مستقبلاً ، أتمنى بيع الجيزاني ولا الجمعان ويجي فهد
بهالخانة .. نحتاج لاعب لا يضيع الفرص أمام الشباك ، وفهد تنطبق عليه المواصفات
هذي .. لاعب نشيط ولا يستسلم ، لحد يقول بدينا نفخ باللاعب ^^ .. لكن هذا ما
رأيته من فهد ، وماقلت هذا إلا بحكم متابعتي له في درجة الشباب والأولمي ..
عموماً ، هاردلكم مرة أخرى .. وأهم شيء مانخسر .. وبالتأكيد مانتعادل خصوصاً
في المرحلة المقبلة .. القادسية اليوم لعب على ظروف الهلال فقط ، لكن لا يمكننا
تهميش أدائهم ، استحقوا النقطة من أمام الزعيم .. ولكن مانقول إلا ، يارب .. يارب
أشوف الفريق مكتمل بدون إصابات ( والجآيات أكثر إن شاء الله ) !
نقطة نسيت أذكرها ، حارس القادسية النجعي ،!
قسم بالله رفع ضغطي  .. واعتقد هو السبب الرئيسي
للنقطة اللي حصل عليها القادسية !
تحديث :-
صراحة في أعضاء قاموا يقولون أني انتقدت الجمعان نقد لاذع
ومدري ايش ، وناس قالت الجهني ما يستاهل .. المهم
أنا لم انتقد الأداء الفني لأي لاعب وحتى الفريق ( موضوعي
هذا ليس انتقاداً فنياً بالكامل ) عشان مايجي واحد وينبرش !
بعدين اللي يقول الجهني عشانه جاب سوبر صار فنان ..
ياعزيزي .. انا وش قلت ؟ يارجل أنا متابع اللاعب في الفئات
السنية .. من قبل ثلاث سنين وأنا أتامل باللاعب هذا خير !
أنت شوف أهدافه الحاسمه وبتعرف ليش قلت الكلام هذا ،
والأيام بيننا .. !
* ملاحظه : اللي حاب ينتقد كلامي ياليت يبتعد عن الألفاظ
السوقية اللي ماهي من صفات المشجع الهلالي =) !
[ الموج الأزرق ]
اخر تعديل كان بواسطة » [ الموج الأزرق ] في يوم » 02/11/2010 عند الساعة » 10:41 PM | 