إقتباس الرسالة الأصلية كتبت بواسطة قرقاص هلا وغلا بزميل المهنة تصدق لي 10 سنين متخرج مافكرت زي تفكيرك ! تصدق مرة ثانية لو اني عارفك من زمان ومسوي الأفكار اللي تقول عليها كان الحين على وشك أخلص البرج حقي اللي على طريق الملك فهد في عالم الأدوية وخصوصا الغير قانوني منها فيه ناس جن وعفاريت يعرفون كيف يخدعون البشرية عن طريق اللعب على الوتر الحساس فعندك الرجال يدخلون عليهم من باب المقويات +18 وباب علاج الصلع ! وحتى يضبطون اللعبة ويوهمون المريض ان علاجهم حقيقي يقمون بخلط العلاج الوهمي ببودرة دواء الفياغرا او السياليس بعد مايطلعونها من الكبسولات !! المريض مايعرف وش تحتوي الخلطة اللي شراها بالألوف !! لكن اذا جاء وقت الحاجة جابت معه نتيجة بفعل الفياغرا المطحونة فيعتقد ان العلاج فعال ويرجع يشتري ثانية وثالثة حتى يطب ساكت ويدخل في أزمة قلبية ويودع أما النساء وماأدراك ما النساء هذولي يشكلون 75% من زباين باعة الوهم ويدخلون عليهم من باب التنحيف والرشاقة وباب تبييض البشرة وخذ لك من هالخلطات والتركيبات !! هذا ينحف اللي انت خابر وهذاك العلاج يكبرها دخلت محلات العطارة اللي في سوق الديرة ويوم القى كريمات ومراهم تحتوي اقوى نوع من انواع الكورتيزون وأسئله ليش تبيعون هذا اللي مفروض يكون في الصيدلية وبوصفة من اخصائي جلدية !! قال الحريم يشترونه على شان تبييض ...... وأسئله عن كريم ثاني قال هذا عشان يوقف التعرق !! مرة كنت شغال في مركز معلومات الأدوية والسموم جاب لنا واحد من المرضى علاج من اندونيسيا يدعون انه لعلاج امراض الكبد !! لما فتشنا عن مكوناته وفحصنا العلبة لقينا اغلبة مواد كيمائية سامة تعالج الكبد الى الأبد بس في القبر اللي يبيعون هالناني هذا وغيره هذولي تلقاهم مجموعة من اياهم يبيعون في الناني فترة واذا حققوا ارباح وقفوا واختفوا ! وبعدها يعودون بمنتج أخر !! والناس على أفا من يشيل في عام 1996 ظهر دواء مصنوع من مواد غذائية وطلعت عليه اشاعة قوية انه يطول العمر وانتشر في امريكا ووصل عندنا !! المهم كان الدكتور بالجامعة يكلمنا عنه وان واحد من أقاربه اتصل عليه في امريكا وطلب كمية منه واستعمله وبعد فترة بسيطة اعطاك عمره !! الدواء كان اسمه الميلاتونين اللي وده ينتحر يجربه وكان الأعلان حقه يقول : الميلاتونين ....انه هوس الأمريكييين

هلا وغلا بزميل المهنه الاصلي

حياك الله اخوي قرقاص وشكرا لك لانك ما بلغت عني وتراني معتبر ردك امان لي
بصراحة ما ازيد على ردك التخصصي حول هذا الموضوع وبالادلة والاسماء ومثل ما ذكرت ان تجار الادوية يلعبون على الوتر الحساس والانسان ضعيف امام المرض ويحب ان يتعلق بأي شي ولو كان هراء وهو يعرف ذلك
لكن يمني النفس ويجرب وكل هذا يدفع ثمنه با هظاُ من ماله وقد يكون من حياته !!

اعتقد ان مثل هذه الامور تحتاج الى مراقبة كبيرة ومستمره سواء في محلات العطارة الصيدليات وكذلك في الاعلانات التجارية والتي اصبحت تتمادى في الكذب وخدع الناس !!

كما انه من المفترض ان تكون هناك توعية مستمره للناس حول هذه الاشياء وما فيها من نفع او مضرة حتى يكونوا على بينه

شكرا صديقي قرقاص

والله يعطيك العافية على هذه الاضافة المميزة جدا