يعطيكم العافية جميعاً

إقتباس الرسالة الأصلية كتبت بواسطة ولد البدائع اما الاساور لاقينا الشركات بالكلام الفاضي المشكلة فيه ناس تصدق الكلام هذا اما السلاسل اتوقع عير انه كلام فاضي انه مايجوز لبس السلاسل للرجال اما الدواء ما اعرفه ولا ادري وش سالفة اهله

هلا وغلا بك اخوي ولد البدائع
والنصب الحين صار على اصوله وبصراحة بعض الاحيان الواحد يصدق شي من قوة الكذبه
الله يحفظنا ويكفينا شر النصب ..
منور يالغالي
-------------------------------

إقتباس الرسالة الأصلية كتبت بواسطة I B R A H E M الله يذكرك يا وليد القحطاني بالخير هذي الأشياء يبيعونها كويست نت بأسعار من 2000 و فوق عندهم سلسلة تلبسها تنشط الدورة الدموية و تحسن أداء قلبك < سيارة ذي موب قلب

ههههههههههههههههههه
قسم انك توحفه ابراهيم >>> وش سالفة هالفيس
ياحبي له وليد والله مشتاق لشطحاته

شكرا ابو خليل
-----------------------------

إقتباس الرسالة الأصلية كتبت بواسطة the king yasser مانزلو هالاشياء الا انه دارين فيه رخوم بيصدقونهم <<<< تراني ماقصد احد

هلا صديقي الكنك ياسر
بعدين اعترف من تقصد بالرخوم
الصراحة انا ما الوم اللي يصدقهم لانهم يدقون على الوتر الحساس
والانسان يطبعه يبي الخير لنفسه لكن الشرهه على اللي مخلينهم يلعبون على الناس !!

شكرا يالغالي
----------------------------

إقتباس الرسالة الأصلية كتبت بواسطة رائع اهلن اخوي مآجد لي الشرف اني ارد بموضوعك طال عمرك المشكلة في فهم الجزئية البسيطة والمعبره عن حبّ التقليد فقط لن يكون مانبحث عنه ومانلبسه مفيدا بسبب انه مجرد سلعـة جديدة فقط وملفته للإنتباه دون النظر إلى إيّ أبحـاث مفيدة بل غالبا ماتكون جهات تموينية للسلع السلبيــة بالنسبة لي شخصيآ لآ أحبذ النانو ولا الناني ولآ إكسير الحيــآة..!! ( يازين المر والحلتيت والحبة السوداء) هذي فعــلا الي تستخدمّ وتشوف منها نتائج على أرض الوآقع اما ماذكرته عن الـ ( الصيدليــة السحريـة ) ,,, لست فأر تجآرب لكي أجربّ مالآ أرغب في تجربته سلمت ولا هنت آخوي مآجد

هلا بالرائع رائع

ومنور الموضوع يالغالي ..

وبصراحة يازين اعشابنا حقت زمان مفيدة ومجربه ولا احلى منها
الحين حتى فار التجارب ما ظني يقدر يتحمل ها الاشياء

والله يحفظنا بحفظه ..

شكرا لك ,,,
------------------------------

إقتباس الرسالة الأصلية كتبت بواسطة صـمـت اقووول وش رايك بعد تقول لو شربت بيبسي تصير ببسي ماااان؟؟ دختر ماجد...صيدليتك مقفوله مقفوله مقفووووله شكراااا يادختر...كان معك البريفسور صـمـت

هلا بك اخوي صمت
لو شربت بيبسي تصر طرزان موب بيبسي مان
بعدين فال الله ولا فالك وش مقفوله خلنا نترزق

بالتوفيق
----------------------------

إقتباس الرسالة الأصلية كتبت بواسطة أزرق والقلب أبيض هههههههههههه ياخي عندنا ناس شاطحه يصدقون كل شي بصراحه اول مره ادري عن هالسواره ماتخش بالعقل اجل تحافظ على الوزن !! لو يلبسها وياكل مفطح مايزيد وزنه ؟ طيب يادختور ماجد اللي يحط مغاطات على يده وش يصير له < حق نبيطات

هههههههههههههههههه
اجل مفطح
هلا صديقي ازرق والقلب ابيض
والمغطات تقوي القلب وتخليك تبنط العالم
مشكور يالغالي ومنور الموضوع
على فكرة سالفة ابو ضروس شفت موضوعها وبصراحة معك حق
بس امسحها بوجهي واسامحك قيمة الاستشارة

يعطيك العافية يا كوتش .

----------------------------

إقتباس الرسالة الأصلية كتبت بواسطة فَيْلَـسُــ زَمَانَهُ ـــوفْ هههههههههههههههههههههـ يآبو مقبل هالأمور ذي حآطينهآ على ضعوف العقول أو الي منلحسة عقولهم الصرآحة عيب والله تلقآ نآس كشخه ورزه وشمآغ مليآن نشآ وعقآل يبلص وسآعة تلمع من بعد 200 متر >>> قوية وتلقآه يصدق هالأمور لا والمشكلة تلقآه موضوف بمرتبة زينه >>>> مآدري وش دخلهآ يآرجآل فيه يآقوته مآدري وش يقول إذآ علقتهآ على سيآرتك مآيجيك شين أبد ورخيصة ترآهآ بـأ 5000 بس >>>> أمثآل شكشكوه

هلا وغلا بحبيب القلب فوفو
وصدقني ما يصدق ها الامور الا ابو شماغ نشا مليان
بعدين الياقوته هذي وين احصلها
صدقني موب ضعاف العقول اللي يصدقون ان شفني عقلي ما شاء الله
بس مرة صدقت

شكرا فوفو

----------------------------

إقتباس الرسالة الأصلية كتبت بواسطة محبة الرحمن أآهلآ وسهلآ ,, للمعلوميه هآأذي الاعتقآدآت شرك والعيآذ بالله ,, وليس من علووم الرجآل لبس هالسلآسل ,, شكرا لك ,, بالتوفيييييق ,,

هلا محبة الرحمن

ان شاء الله ما فيها شرك .. لان هذه الاشياء من يبيعها يبين للناس انها مفيدة
بطريقة طبيه والناس تاخذها على هذا الاساس !! يعني مثلها مثل البنادول وو..

الشرك اذا كان الشخص يعتقد في هذه الاشياء انها نافعه بذاتها لسر فيها مثل العقد والخيوط .. الخ
والله تعالى اعلم ..

شكرا لك ,,,
------------------------------

إقتباس الرسالة الأصلية كتبت بواسطة !. مجنون في زمن العُقلاء .! وعليكم السلام ورحمة الله وبركاته أنا أستغرب إن فيه ناس إلى هالوقت يمشي عليها أي شي بصراحه إللي تمشي عليه مثل هالأمور بوقتنا هذا هذا عمره مايتعلم أبد وبيعيش دبشه طول حياته الله يكفينا وياك شر هالدباشه ماجد لا هنت عندي سلسال يجيب الحظ الحلو بس يحتاج إلى تسويق فقط ممكن تتولى هالمهمه

هلا وغلا بك اخوي مجنون في زمن العقلاء..
وبصراحة يوم دققت في اسمك استغربت

المفروض عاقل في زمن المجانين
على العموم كم النسبة وابشر بمن يسوق لك ها السلسال لين ما يبقى منه ولا حبه
اهم شي حط فيه حركات والوان عشان تلعب على العالم موب تجيب لي سلسال من محلات الكهرباء

دمت بحفظ الله ,,,
---------------------------------

إقتباس الرسالة الأصلية كتبت بواسطة هجور والله ياوخيي انا مااقتنع بالاشياء هذي ولو ايش يالبى الحبه السوداء والعسل اما بخصوص الاساور والبس وتسوي كذا مااصدقش يمكن البس مجرد شكل لكن تبي الصراحه غديني البس ساعه علشان البس اساور احس بوه شي ثقيل بيدي

حياك الله وبياك اخوي هجور

على طاري لبسه شكل بصراحه الاساور كشخه
حتى اني لقيت نوع منها كاتبين عليه صحة وجمال

وعلى قولتك الساعة الناس بطلت تلبسها فكيف الاساور

شكرا يالغالي ,,,

--------------------------

إقتباس الرسالة الأصلية كتبت بواسطة marsal ماجد الموضوع جاء في وقته ... تصدق لي ساعة أفكر بموضوع صار معي كيف أقدر أطرحه ..!!! تخيل لكن لا تتخيل بالخيال تخيل بالحقيقة و الواقع ... اليوم ادارة حكومية أشترت (دش ) او (مروش ) بقيمة 40 الف ريال (أربعون الف لا غير)..!!! شغلت (المروش) لعل وعسى تختلف المويه عن الموية الموجودة (بدورة المياه ) ببيتنا .... لكن للاسف نفس الموية ..!!! ونفس الطول و نفس ( الوزن ) و الشكل ..!!!

هلا وغلا مرسال الغرام

والله لو كان ها المروش بتقنيه النانو والا لو انه يسوي كل شي
عموما الزرفات مثل هيك شي مو غريب اذكر واحد يقولي انه في احدى الصفقات تم شراء العلوك بمبلغ 30 الف
الله يصلح الحال يا صديقي

شكرا لك اخوي مرسال ومنتظر منك الاخبار الحلوه
-------------------------

إقتباس الرسالة الأصلية كتبت بواسطة ســـــ SMN2002 ـليمان وعليكم السلام ورحمة الله وبركاتة ومساء الخير ا.د/ماجد ال مقبل موضوووعك يحااااكي بعض هواة التقليد واللي يسمووون انفسهم بالكووووول والا من يفكر بها الامور اللي ماتخش بالعقل سلاسل واساور ومدري وشوا تدفع الاذى وتجلب السعادة<<<وبالاخير يلبسهاااا وكل الدنيا يحس انها على صدره يامعااااالي سعااااادة صااااحب البرفسور الدكتور ماجد اذكر قبل فترة تعد بالسنتين فيه تروووج لمكنسة كهربائية عجيبه ماااااااا خلوووا شيء مااااااحطوووه فيهااا وقيمتهااااا بحدود8000 ريااااااااااال وبعض البشر صدق علومهم واخذها بس انه قاااال العدد حصري والذي منه على العمووووم نبي حبة اكسترا حياااااة<<<< مااااابقى شيء الا ويقوووولون لا موت بعد اليوووم والعياذبالله تحيااااتي لك يــ م.ا.د/ماجد

اهلا بالغالي ابو شادن

حياك الله اخوي سليمان وبصراحة ذكرت ها المكنسة العجيبة
وبصراحة انا صرت اخاف من اي شي يباع عن طريق البيع الشخصي
تحس ان ها النوع من البيع سهل عملية الزرف وما اقول الا يازين محلات ابو ريالين
وابشر با اكسير الحياة بس تعال الرياض ونضبطك

مشكور اخوي سليمان على ها المرور الجميل
والله يعطيك العافية ,,,
----------------------------

إقتباس الرسالة الأصلية كتبت بواسطة * أنا * انا ممكن أقتنع بيها في بعض الأحيان زي عندنا صحن معالج بتقنية (( المدري أيش )) نحط الموز فيه ونحطو في التلاجة الموز ما يسود لونو ولا يعفن لمدة طويلة .... وكمان إدا حطينا فيلو مويه تتغير الجزيئات وما ادري ايش يسير فيها بس إنو تصير مويه مزبوطة لكن ما اعتقد إنو هيا اللي حتشفيني وحتعالج كل امراضي وبلاويّا بس اعتقد إنها سبب أما الأشياء التانية اللي زي الأسورة والقلادة إدا ما شفت لها أثر قدام عيوني (( زي الصحن اللي قلت عنو )) ما اصدقها ... واحس إنها تستخدم كعلاج نفسي أكثر من كونو علاج لمرض معين آخر يعني زي إنو الواحد يكون عندو آلام في الظهر ويشتريها فيعتقد إنها تعافي من آلام الظهر وبالتالي ما يحس بآلام الظهر <<<< وترى أغلب الأمراض قبل ما تتعالج بالأدوية تتعالج نفسياً أول آسفة عالإطالة المملة والله يوفقك إنت وصيدليتك

اهلا وسهلا اختي أنا

بصراحة العلم يتقدم بشكل سريع وكل شي ممكن وانا في اشياء كنت انكرها بشدة صارت عندي من المسلمات
مثل تصوير الورقة الملونه بالالوان
وانت قلت كلمة حلوه انها تستخدم كعلاج نفسي وبالفعل صار اكثر شي نفسي انا لي صديق اشترى السوار ولبسه وقالي انه له 3 ايام متعدل نومه مع ان السوار ما هو مكتوب انه يعدل النوم
شكرا لك على الرد الجميل والواضح وغير الممل
دمت بحفظ الله ,,,

لي عودة ان شاء الله