أرجع للرد مرة ثانية ويعذرني صاحب الموضوع

لكن هذا اللي صحنا منه يا واحد أعمى ما يبغى واحد ينتقد ياسر والا واحد ماخذ الشغله بطرنة ويمكن حتى حقد على اللاعب

قرأت ردود كثيرة من الجانبين المطبل والحاقد وما أقول إلا حسافه إذا كان هذا جمهور الهلال ويفكر بهذي الطريقة

وياليت اللي يفكرون بهذا الطريقة يحولون لتشجيع النادي الجار لأن هذا مستوى تفكيرهم

العتب كل العتب على إدارة الموقع اللي تسمح بهذي المواضيع وهذي الآراء

أقسم بالله العضيم إني متأكد لو يسجل ياسر هدف كل هذي الانتقادات بتروح لأن الشغله عندكم مزاجية وبتحطونه بطل وأسطورة

وأقسم بالله العضيم لو يلعب ياسر واقف موسم كامل بيجلسون ناس كثير مطبلين له

يرحم أهلكم فكونا من أراؤكم اللي مالها داعي

اللي عنده إنتقاد واضح وبدليل ورأي محترم يقوله واللي ما عنده سالفة يريح نفسه ويريح الخلق منه ومن أراءه

أقسم بالله كلام عجيب

واحد يقولك اللي يمدحون ياسر أبناء قبيلته وأصدقائه ولا إعلاميين الأندية الثانية هم اللي يمدحون ياسر عشانه مريح دفاعهم

وواحد يقولك الهلال ماجاب لاعب أجنبي لأن سامي يحب ياسر ومايبغى يروح عليه المركز .. ياساتر للدرجة هذي حتى سامي ماسلم حتى سامي نشكك في ولائه للهلال

وغيرهم يقول ياسر رجال غصبن عنكم يامنتقديه وأفضل لاعب مر على الكرة السعودية .. يعني الشغله هياط في هياط

الله يسامح إدارة المنتدى اللي تسمح بهذي المواضيع وهذي الآراء , ومانعنين أعضاء كثير من كتابة مواضيع من غير سبب

ياسر في غنى عن هذي الفئة من الجماهير وحتى الزعيم في غنى عنهم

ياناس ياعالم يرحم امكم طفشتونا بذا الموضوع

أدع لياسر بالشفاء وأدع إنه يرجع للملاعب وأدع ان الهلال يبقى كما هو زعين نصف الأرض

وبدل أراؤكم هذي اللي ماتوكل عيش .. أحظروا مباريات الهلال في الملعب وشجعوه

يعذرني أخوي صاحب الموضوع من جد من جد من جد آآآآآآآآآآآآســـــــــــــــــــــــــــــــــــــــــــف