ماجد المرشدي انت افضل لاعب
السلام عليكم ورحمة الله وبركاته
مبروووك الفوز على الرائد ومبروك المستوى الممتع
وهذا دليل ان الهلال مايتأثر بغياب لا مدرب ولا لاعب
بس عندي كلام لكم يازعمااااء
ياجماعة الخير وش ها الهجوم على الكابتن ماجد المرشدي
اللاعب صح أخطاء بس موب لدرجه ذي كلنا نهاجمه المفروض ندعمه وندافع عنه
اللاعب بحاجه لرفع معنويات بس
وصدقوني راح يرجع لمستواه وأفضل
كلنا نعرف ان اللاعب مايقصد يسبب كل ها الاخطاء يمكن بس حرص زايد
وبعدين نعرف كلنا انه تو راجع من اصابه
وبعدين ماجد يلعب جنب الزوري والزوري تو راجع من اصابه يعني حتى مستوى الزوري مأثر عليه
ترى هو مسبب ضربات الجزاء بس علشان يختبر لكم خالد شراحيلي (( أيه هين
المهم خلاص قفلوا موضوع ماجد المرشدي وبدون تجرريح ونقد قاسي للاعب
وأن شاء الله المدرب الجديد راح يعيد ترتيب اوراق الدفاع اللي صاير لك عليه هالأيام
وأتمنى مايتعاقدون مع كالديرون ودنا بمدرب جديد عنده دافع لرفع أسهمه في الشرق الأوسط
والله يوفق الزعيم | 