نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

شوق الكويت · #1 28/10/2010, 04:38 PM

بسم الله والصلاة والسلام على رسوول الله ....

عذرا لان ترسخت بعقلي من الطفوله فكره عنكم بأنكم شعب منقسم لنصفين .. النصف الاول متخلف والنصف الثاني منحرف !!

عذرا لاني ظنيت بأن بناتكم نسخه من وعد ولجين عمران .!!

عذرا لاني ظنيتكم شعب ثقيل دم مثل فايز المالكي وعسيري !!

عذرا لاني ظنيت بأن شبابكم متخلف لانه ضد فكرة الاختلاط !!

عذرا لاني ظنيت بأن كل رجالكم يخونون زوجاتهم !!

عذرا لاني ظنيت بأن كل رجل ملتزم عندكم مايعرف يبتسم او يقول نكته !!

عذرا لان الروايات السعوديه صورت لي بأن كل بناتكم يمرون بعلاقات حب وعشق قبل الزواج !!

عذرا لان شبكة اليوتيوب خلتني اظن بأنكم شعب ماعنده ادب وذوق من المقاطع والردود !!

عذرا عذرا عذرا ..!

لان وسائلكم الإعلام هي اللي صورت لي مجتمعكم المتخلف !!

عرفت اشياء بهالمنتدى ماكنت اعرفها من قبل !!

عرفت ان عندكم ناس مثقفين وعندهم قلم راقي...عندهم ثقافه سياسيه دينيه علميه ادبيه واسعه !!

عرفت بأن عندكم بنات لو قارنوهم بكل بنات العالم فهم أعلى ثقافه دينيه !!

عرفت بأن عندكم بنات عقولهم اكبر من اعمارهم !!

عرفت بأن عندكم شباب يعتبرون البنات مثل خواتهم !!

عرفت بأن عندكم شباب يخاف على سمعة البنت !!

عرفت بأن بناتكم ماهم حبيسين البيت ولا يعرفون شكل الشارع .!!

عرفت بأن ماعندكم تفرقه بين الرجل والمرأه !!

عرفت ان مو كل شبابكم اللي يسافر للدراسه يرجع من غير شهاده !!

عرفت ان عندكم الدكتووره تتزوج عادي !!

وليتني لقيت شي من اللي صوَره لي إعلامكم موجود فيكم !!!!

والله ان هذا المجلس كفيل بأن يمثل شبابكم وبناتكم واجزم أنه مقصر بحقكم !!

لي سنتين ونص بهالمجلس واكتشفت اشياء نقيضه للي كنت اعرفه عنكم !!

مقابل كل عينه سيئه من الشباب القى عشرات العينات مثال طيب لاي شاب والبنات كذلك !!

حقيقه .. مادري ليش كتبت هالموضوع ..

بس الدين نصحنا بالكلمه الطيبه اللي تكون على حـق وهذا الموضوع مو للنقاش كعادة مواضيعي لكنه قطره من بحر حسن خلقكم !

ماانتظر عدد الردود او كيفيتها لان الموضوع كتبته فقط للي يشكك بالشعب السعودي !!

وانا اشهد انكم اطهر ارض واطهر شعب !

وافهم يافهييم

(( يشهد علي الله ماقلت ولا حرف كذب او رياء .!! ))

اختكم شوق الكويت