عيب والله عيب اجل جمهور نادي القرن السلام عليكم
ان شاء الله انكم بتمام الصحه والعافيه
يا شباب اللي يصير بالقسم هذا والله عيب يعني حنا دايم نقول ان منتدى نادي النصر
كل مواضيعه عن الهلال وحنا بدينا نغطي عليهم يعني اسمه منتدى الرياضه السعوديه
مو منتدى تشمت بنادي النصر لا يجي احد يقولي هم يسوون كذا
طيب حنا مو مثلهم عشان نسوي سواتهم حنا نادي القرن حنا نادي محترف حنا نادي بطولات
ليش ننزل مستوانا لمستواهم ياليت احد يرجع ويشوف هذا القسم قبل 6 شهور والله ما كان كذا
يعني حنا نادي كبير والكبير رب العالمين ليش القسم هذا كذا كله تشمت بنادي النصر
واحد كاتب النصر فعل والنصر ما فعل بكيفهم يسوون اللي يسوون يعني نقصوا بطوله للهلال
يعني لو يدخل احد يشوف القسم هذا يشوف الصفحه الاولى والثانيه كلها عن النصر يعني والله ما يصير
نرجع ونقول عييييييييييييب لا يعدونكم بمرضهم يعني قبل 6 شهور نقول ان منتدياتهم كلها عن الهلال
الحين هم يقلون هذا الكلام بالعكس خلونا نحقرهم ولا نعطيهم وجه ترى الحقران يقطع المصران
ان شاء الله اني اكون وصلت الرساله وتحيه لكم يا ارقى جمهور |