يالله .. جد جد دلع

العايز منا ننطق وننجلد .. لا والله بس يضربونا بالمسطره ولا أحد جاب خبرنا

أتذكر مره طقتني مدرسة الأحياء كانت ترسم الرسمه على الصبوره وحده من البنات طلعت صوت وعصبت الاستاذة .. وقالت منهي البنت !!!
وأحنا ساكتين قالت بتعلموني وإلا شلون ..
ياحلينا ساااااااكتين ولا صوت طالع قالت لنا الحين سكتوا يالله وقفوا كلكم ولا بنت تجلس .. وسألت بنت جالسه بالآول وقالت لها من هي البنت اللي طلعت الصوت .. البنت خايفه من الشله اللي ورى وقالت مدري كنت ارسم الرسمه معك ولا اعرف .. وشافت الاستاذه مافيه منا فايده قالت بروح شوي وارجع وياويلكم لو تجلسون --> معصبه الاخت وماشيه مليون .. راحت وكل الفصل كاتم الضحكه
وجتنا ومعها مسطرة الرياضيات الطويله وقالت كل وحده تفتح يدها اليمين واليسار وتضرب بقوة وأشوى نعمه من ربي يوم جت عندي ماكان عندي إلا يد وحده .. قالت افتحي يدك قلت استاذه اثنتين !! -->> بريئه
قالت ايه قلت شلون ويدي الثانيه مجبره !! الظاهر توها تستوعب طالعت بيدي وقالت سلامات وشفيك يافلانه .. عاد انا فينا الضحك أكلمها وشوي أضحك ---> متفشله
قلت أستاذه لازم !! قالت قولي وشفيك ورى يدك مجبره !! قلت أبد الله يسلمك طحت من المراجيح .. الأستاذه ماتدري تضحك وإلا تسوي نفسها شديدة
قامت ضحكت وقالت أفتحي يدك اليمين .. وقبل لا أفتح يدي لها قلت تكفين أستاذه شوي شوي ماعندي إلا هاليد وإذا تعبت ماراح اقدر اكتب ولا أرسم عاد هي قالت لي لا لا خفيفه حالك مثل حال زميلاتك .. وأشوف بنات اللي قدامي وعلى الجانب الثاني فيهم العبره و ذيك اللي سالتها الاستاذه تصيح
مرره أنا خفت وقلت الله يستر بس :sad:

أضربتني الاستاذه 3 ضربات ومن شدة ضربها تشققت يدي وصب دم .. عاد انا يعنني ماجاني شي ولا اثرت ساكته طول الوقت .. وحاطه المناديل على يدي ومتكتفه


~~سوري على الإطاله بس حبيت أذكر لكم هالموقف اللي انضربت فيه وبصراحه المفروض مايستخدمون الضرب لان [الضرب للحيوانات ] --->> أبوها معلمها وقالها إذا أحد بيضربك قولي هالجمله <<--عاد أشوفك قلتيها يوم طقتك الأستاذه

غير كذا هذا مو أسلوب حضاري .. شلون تبغون الطالب / الطالبه
يتعلمون ويفهمون وأنتم تطقونهم والله اللي بتجيهم عقده نفسيه ويكرهون المدرسه



الفيروسه الزرقاء