انا ضد ان الامير يرجع للرئاسة لاسباب

اولا ان الاعضاء الشرفين لنادي الهلال مقصرين جدا بالدعم الاداري والمادي والمعنوي وهذا الكلام قلناه قبل
واذا الاعضاء الشرفين الي حاسبين على نفسهم انهم اعضاء شرف ماراح يوقفون مع الامير فأرجو ان الامير مايكمل في الرئاسة لان
هالشي مو من صالح الامير ولا الهلال
ثاني شي ان الامير محبط والسبب اللاعبين المستهترين والي ماعندهم روح ولا قتالية ولا اي اخلاص للنادي ولا اتعاض من المباراه الي طافت مع الغرافة ولا احترمو الامير ولا قدرو الي عمله عشانهم وعشان الفريق ودفع كل دم قلبه عشان هالبطوله واخر شي يجازونه بخروج سخيف جدا وقبل النهائي بمباراة
اذا انتو مو قد البطولة فأطلعو منها بدري عشان لاترفعون علينا الضغط وتعبون نفسيتنا وناس تموت على الطريق عشان بس تحضر وتساندكم ولكن تكافئونهم بالخروج وعدم المسئولية
واخر شي الامير يطلع ويصرح ويقول انا المسئول عن الي صار كله واي ذنب هو يتحمله والاغلاط كلها من اللاعبين
وجزء يتحمله المدرب
والله يا اميرنا المحبوب انا اقول لاتواصل وتعب نفسك على لاعبين ماعندهم مسئولية ولا روح ولا اخلاص للفريق
ارحل لكي تبعد عنك الهموم ياسيدي الرئيس

اقسم بالله لو اراك ابوس راسك وخشمك على الي سويته واتأسف لك على الي عمله اللاعبين من استهتار
واقولك سامحنا على القصور سيدي الرئيس
كلنا فخر بوجودك ولكن راحتك النفسيه اهم من لاعبين يخذلون جمهورهم ورئيسهم

اسفين على كل الي صار سيدي الرئيس ودمت في قلوبنا