هلابك حمودي
الخروج من بطوله زي آسيا بالنسبه لنا حنا الهلاليين أمر مرير ، ومافيه شك في ذلك ويمكن فيه احد قصَّر واقصد هنا اللاعبين لكن يمكن الواحد يكون معصب ويتهم اللاعبين بأنهم ماهمهم الهلال او ماهمهم الجمهور اللي كان حاضر .. لكن فنياً الفريق الايراني قفل صح وتمركز صح ولعب مباراة فريق متأهل بهدف ويحاول خطف هدف آخر لتأكيد التأهل وعرف كيف يسوي اللي يبيه بعكسنا حنا تماما .. يمكن الضغط على اللاعبين كان يلعب دوره لكن مانختلف ان اللاعبين ماحاولوا كثير واعتقد ان الهدف حطم نفسيات الجمهور قبل اللاعبين ،، نرجع ونقول الايرانيين عرفو كيف يلعبون مباراتهم وحصلوا اللي يبونه من هالمباراه ، وقدر الله وماشاء فعل .
المهم الآن مانخلي اللاعبين يفقدون ثقتهم بأنفسهم عشان مانخسر الاولي والتالي ونطلع من الموسم بدون اي بطوله - لاقدر الله - ومباراة الاحد مهمه لنا وللاعبين وللفريق عشان يواصل عطائاته بالدوري ، نبي نكون يد وحده ونترك اللي فات ومثل ماقلت الكلام في الماضي نقصان بالعقل ،، والله الخروج مرير علينا كلنا لكن عشان مانخسر الاولي والتالي لازم ماننيأس ونواصل دعمنا للفريق يوم الاحد بإذن الله .
