بصراحه ماقدر احكم عليه
لكن ماقدمه البارحه جيد بالنظر لعمره الكروي واهمية اللقاء

كاني اشوف فيه ماكليستر الجديد



اما عن المباراة فالفريق بما حققه جيد ... لكن بما قدمه لايمت لليفر بصله .

نجوج هو سبب العقم الهجومي للفريق .. واستغرب طولة بال المدربين عليه ..لاعب مايعرف يركض يلعب 90 دقيقه باي وجه حق. (اذا المقصد تطويره فالتطوير ممكن يكون بعيد عن اسوار الانفيلد بنظام الاعاره )
سبيرنق (عين عليك بارده يافيصل ) قا بدور جبار في الربط .. وكان افضل اللاعبين في استلام الكوره وتسليمها لو المدرب يفكر في حل ازمته الموسم القادم يجب عليه اشراك هاللاعب بالكاس وهالبطوله اكثر وقت ممكن .
كيللي ممتاز واشوف انه يستحق الفرصه الكامله ويعوضنا رحيل فينان وحماقة جونسون الحاليه .
مشاركة اوريليو (الله على زمانك ) كنت اتوقع الفريق يلعب على الكرات الثابته لكن استغربت الدور اللي اسند له في تامين الدفاع ...َََ!!! كان بالامكان اللاعب يخطف لك اللقاء من كورة ثابته .
وبعد الدور الدفاعي المميز لكونشيسكي في الظهير الايسر اتمنى انه روي يخلق تجانس بينه وبين اوريليو بحيث يكون الاخير وسط ايسر لاستغلال الاوفرات وتاديت الدور الهجومي واسناد المهمه الدفاعيه لكونشيسكي مع اعطاء جونسون او كيللي حرية التقدم في الجهه الاخرى( يعني في حال الهجوم يكون شكل الفريق 3-4-3 او 3-5-2 ) .والاستفاده من كاوت في عمق الهجوم العقيم حاليا . بابل بعيد عن حساسية اللقاء وافضل اشراكه واعطائه مهام في الهجوم المرتد (والتجاهل لنواقص اللاعب التكتيكيه لانه الاعب مميز في جوانب الفريق بامس الحاجه لها حاليا ) صدقون هاللاعب لو بفريق ثاني كان شفناه متعب واشبه مايكون له مهاجمين بيرمنجهام
حت في لقاء امس انتظر باتشيكو اللاعب الاميز في اسبانيا بمنتخب الشباب واستغرب رغم الحاجه له ماشفناه ..؟!!
فلسفة المدربين احيانن مرض >> عين على فوساتي


بالاخير اتمنى التخلص من توريس وجلب فورلان وسواريز في الميركاتو الشتوي
بكذا الفريق راح نشوفه يقفز قفزات في سلم الترتيب ولنا في توتنهام الموسم قبل الماضي خير برهان .