مشكور على الموضوع
وخليني اخذ راحتي واقول الي ابي بسسب اني ما اقدر اكتب موضوع

الامير عبدالرحمن بن مساعد :

انا عن نفسي واظن بل ومتآكد ان كل جماهير الهلال تبيك تكمل فترة رئاستك وتبيك تمدد بعد لأن معك شفنا كل عمل احترافي وربي انك من افضل رؤساء الهلال إن لم تكن افضلهم نادي يسحق اقرب منافسيه واقواهم بالخمسه يجلب لاعبين اجانب على اعلى مستوى
لاعبين سعوديين دوليين جهاز فني عالمي وقدير

لكن طال عمرك بلاك في الي مايقدر تعبك
انا ابي اعرف وش قصر الامير فيه وش قصرنا حنا جمهور الهلال فيه اكبر حضور جماهيري اسيوي وفيه جماهير ماقدرت تدخل ليــه ليـه وش السبب في ان يخرج الهلال من نصف النهائي انا ابي اعرف بس السبب وصدق يوم قال المثل اذا عرف السبب بطل العجب ولكن لا اظن العجب سيبطل لأن ليس هنالك سبب يمنع الهلال من تحقيق الببطوله من رأيي ان الهجوم الهلالي ماسوآ اي شي في المباراة ولا اللاعبين انا ابي افهم من جيريتس ويلي ليه احتياطي يعني الفريدي بلعبه البارد وعدم مقدرته على التسديد يبي ينفعنا ولا حاطه عشان يخترق من العمق العمق متكتلين الدفاع فيه يعني اللعب على الاطراف والتسديد من خارج المنطقه وماشفنا ولا شي من الي سبق ذكره
رساله الى لاعبين الهلال /
الحين يوم توصون بالحضور الجماهيري تحسبونا ماراح نجي ولا وشو حنا الي ينحرق دمنا ونشجع ونتعب ونحضر من مسافات بعيده علشان نفرح وانتم بكل برود في الملعب ولا واحد ظاهر مستواه عجبي منكم يا لاعبي الهلال
انتم المفروض تحترقون علشان شعار النادي خلو رادوي قدوه لكم اللاعب الاجنبي يحترق اكثر منكم من شان النادي هوساوي لاعب كببير يمتلك الامكاينات والقدره على ايقاف خطورة اكثر اللاعبين خطورة لكن اتوقع ان شارة الكابتنيه مثقله عليه ومخليته مشتت الذهن
وربي انحرق دمي يعني من الموسم الي راح نحظر ونتعب واخر شي ي مباراة تنسفون كل شي كل حلم

كان العشم فيكم اكبر من كذا يا لاعبي الهلال

جيريتس وداعا وما اصعب الفراق
لكن الي جابك يجيب افضل منك

وربي ماحزنت اكثر من حزني على خسارة البطوله الا على استقالة شبيه الريح

لكن برجع اتدارك نفسي واقول البرشا اقوى نادي في العالم خرج من نصف نهائي بطولة اوروبا

لكن السنة ذي بإذن الله نشوف عمل جاد وغير ينسينا همومنا خلو الاجانب يرحلون الا رادوي رادوي رادوي زورو الهلال فهو الاجدر من بين كل اللاعبين محليين سواء او اجانب بالبقاء في النادي