قلت لكم إن إدارة الهلال مضخمة البطولة الآسيوية وكأنها نهاية المطاف
وللأسف هذا حنا خرجنا من الآسيوية ثم لحقتها تبعات كأننا في نهاية الموسم
الرئيس استقال والمدرب بيروح المغرب .. ولا كأن الهلال عندهـ استحقاقات قادمة
اقول في نفسي معقولة عبد الرحمن بن مساعد يترك النادي في هالوضع السيء ؟؟
لكن يطلع في بالي أكثر من تحليل لـ استقالته ..
أهمها أنه ممكن يبي يحول الغضب الجماهيري وخصوصا الاعلامي
يعني بدال ما يكون فيه شرشحه للاعبين على مستواهم السيء
يتحول الانتقاد وسل السيوف على استقالة الرئيس ويشغل الشارع الرياضي به
ما يبي يضغط على اللاعبين خصوصا أن الاتحاد تعادل البارح مع الفتح
وقدامنا مباراة مع النصر يوم الأحد وهي ديربي ولها أهميتها
خصوصا في إرضاء الجمهور العاطفي اللي يهمه الفوز على ( النصر )
غير أن الفوز فيها يعني عودة الروح واستمرار المنافسة على الدوري ..
إن كان هذا قصدهـ فهو تصرف شجاع وذكي وإن كان صادق في استقالته فهو تصرف جبان وغبي ..
أحب عبد الرحمن بن مساعد قبل أعرف أنه عضو شرف أو يكون رئيس للنادي
وزاد عشقي له يوم صار رئيس لنادي الهلال صار عشقين في رجل واحد
لكن مصلحة النادي أهم من حبي له وكلمة الحق لازم نقولها بعيد عن العواطف
كلام في خاطري وحبيت اضيفه للموضوع اعتبروها فضفضة ..
شكراً لكل من مر هنا سواء اكتفى بالقراءة أو شارك برأيه ..
.
