بسم الله الرحمن الرحيم

السلام عليكم ورحمة الله وبركاته

بـ البدايه هاردلك الخسارة اليوم صحيح ماقدموا المستوى المأمول منهم ولكن هذي هي كرة القدم يوم لك ويوم عليك وجد جد احزنني خبر استقالة شبيه الريح عن جد رحيله خسارة للكرة الهلاليه ما الومه صراحه قدم الكثيييييييير للهلال ولكن قدر الله وماشاء فعل وان شاء الله الخير والبركه باللي راح يحل مكانه .. ..

ثاني شي يعني استغرب صراحه من بعض الجماهير طيب اوكي خسرانين واحنا مقدرين لكم تعبكم وحضوركم لا تتكلمون على اللاعبين وش بيدينهم هم حاولوا بس اليوم مو يومهم يعني احس انهم ودهم يرضونكم بـ اي شكل من الاشكال واللي يقولون ماراح يحضرون اي مباراة ليش عشان يعني طلعنا من الاسيويه صحيح توجع لكن حنا احسن من غيرنا اللي عندنا ماوصلوه ولا بيوصلونه بـ احلامهم انت بس قل الهلال تحس بالفرق واللي صدق هلالي ودمه هلالي وقلبه ينبض عشق للزعيم مايقول هالكلام واتوقع ردت فعلكم هذي عشانكم معصبين لكن ارجعوا لعقولكم واطوو هذي الصفحه من بالكم خلاص اليوم انتهى و المباراة انتهت والاسيويه راحت و ان شاء الله ربي يعوضنا بالبطولات المتبقيه ..

ثالث شي اتمنى جد جد اتمنى اللاعبين ينسون هالمباراة بكل نواحيها ويركزون على اللي جاي وانا اقول ما راح غالي الا وجاء اللي اغلى منه ..


اخيرا : شكرا عبدالرحمن بن مساعد شكرا نواف بن سعد شكرا عبدالله بن مساعد شكرا اعضاء شرف نادي الهلال شكرا لاعبين الهلال شكرا يا امة الهلال وانتم خير من يمثله حقيقة يعني لو نشكركم من اليوم الى اخر العمر لا نوفيكم حقكم فـ انتم الرقم الصعب انتم الرقم واحد دائما وابدا ..

بالنهايه اتأسف لاني طولت عليكم ولاكن حبيت اني اطلع اللي في قلبي عندكم واتمنى ترمون المبارة هذي ورى ظهركم وتآزرون الزعيم بالمباريات القادمه وتحرجون اللاعبين بحبكم ووفاءكم لهذا الكيان ..

والسلام عليكم ورحمة الله وبركاته