بنبرش عليكم ولا راح يردني الا المضمار وخل واحد يقولي با ..

بختصار شديد ,,

مع احترامي لعشاق الريال ,, اذا هذا الفوز تسمونه فوز او انتقام على قولتك ,, فا ما اتوقع منكم الذهاب بعيداً ,,

مباراة الأمس على قولنا بالعامية ( مباراه بايخه ) بكل ماتعنيه الكلمة يعني ميلان كان سيئ وضايع ومدري وش جاي يسوي

في المباراه امس ,, والريال من حضه هدفين جابها بأول ربع ساعه ولا ماكان بيجيب بعد هذا الوقت ,, يعني هدف الحيطه انفتحت

والثاني غير اتجاهها الاعب بالله هذا فوز ,, ادري الفوز فوز والاهداف اخطأ ,, ومبروك لكم وهارلنا ,,, لكن لو جينا على اسماء الريال

واسماء الميلن ,, كان صكينا التلفاز افضل ,, مباراه كل الطرفين لم يقومون ولا بربع مستوياتهم ,, لكن كرستيانو في تصوري اكثر

من كان له الكلمه ,,

بالجانب المدريدي :

كاسيس - ماجاته كور غير الفاول وماقصر ,
مارسيليو - ماخذ الحرية الكاملة لكن ما تقدر تقول انه مأدي لاعب روحته مثل رجعته بلا فائدة ,
بيبي - في نزهه ,
كارفاليو - ايضاً لكن اكثر حركية ,
اربيلوا - على الواقف ,
الونسو - ضايع ماسوى الفارق ,
ابو خضيرة - بذل جهد طيب ,
اوزيل - كثير الحركه والحيوية ومسوي شغل مع رونالدو ,
رونالدو - النجم الوحيد في الليله الممله ,
هقوين - ماكنه موجود ,
دي ماريا - حاول التحرك ولكن بلا فائدة ,
________________________

الجانب الميلاني :

اميليا - هو الفارق في المباراه ولا يتحمل الهدفين بل انقذ هجمتين اهداف ,
انتونيني - اداء الي عليه وبلا نزعه هجوميه ,
بونيرا - الله ياخذك ويفكنا منك لاعب والله حده ولا بلاش بس الي بقوله مايستحق ميلان ,
نيستا - الله يعين لا رحت عن ميلان وش بنسوي ,
زامبو - اداء الي عليه بس مافيه احد يحيه ويسانده في الهجمات ,
بيرلو - كأنه مروحه قعادية ماغير يدور بالملعب ,
جاتوزوة - فاهم الشرح حق اليجري غلط يعني مستلم طيران على الهواء ,
سيدورف - مدري وش يحس فيه يوم يوخر عن الكوره وهو في الحيطه ,
روني - كفاني عذاب الله يجازيك بأفعالك ,, لاعب خلاص لو نموت ويسوي الي يسوي خلاص لاعب انتهى لا ماوالله يرجع لمستواه الي كان في البرسا ,, اتمنى نهاية الموسم يطلع ونستغل عرض جالاكسي ,
ابرا - بكل ماتعنيه الكلمه كأنه يلعب حركه صنم ,, يتحرك 20 ثانية على حد اقصى ويوقف ساعه ,, ادري الوسط ماسانده بس الاعب نفسه كأنه مااااااااال ,
باتو - والله لو تركض الى الاسبوع الجاي مهاجم بلا مسانده مع الوسط ماراح يفلح ,

طبعاً باقي الاحتياط بس والله تعبت احلل واقرق ,,

باالأخير مبروك لريال ,, هارلك ميلان ,,