16/10/2010, 03:19 PM
|
 | زعيــم مميــز | | تاريخ التسجيل: 28/07/2007 المكان: USA
مشاركات: 3,960
| |
عيال ترآ متشنا اليوم  , صحصوا  ..
/
أول شي الحمد لله إننا رجعنا بعد أسبوع القرف  بدون إصابات كثيرة  ! راموس إن شاء الله إنها خفيفة و ما رآح تعيقه عن المشاركة قدام ميلان .. البقيّة رجعوا ما فيهم شي , و زود عليهم تعافيّ كاناليس و ألبيول و سماح موري لـ بيدرو .. بس مع كل هذا مدري ليش متشـآئم  ! دائمـاً بعد أسبوع المنتخبات ما نشـوف مستوى حلو و تحس إن الفريق غاب لـ فترة كبييـرة ! هل هـو بـ سـبب الضغط !؟ ولا وش منّه الله أعلم ! . ملقا من أبثر الفرق و أوسخها على أرضـه ! جمـآهير 90 دقيقة ما تسكت  ! و لاعبين يجلدون و ما عليهم من أحد ! و أنا خايف من هالنقطة , الله يستر لا نخسر أحد قبل ميـلآن سجلنا معهم كويس و بطل بس سبحان الله دائما فوزنا يكون صعب و بشق الأنفس , آخر5 متشات معهم فزنا في 4 و تعادلنا في 1 الي هي آخر متش السيزون الماضي لو تلآحظون قبلها , كلها إنتصارات تجي بـ آخر الدقايق ! بـ مستوى بايخ , بـ أي شي يعني صعب نلقهم 4 أو 3 و نمشي ,, فريق يتعب الريال بس في الأخير ما يقدر يقاوم  , المهم إن ملقا صعب و خصوصاً على أرضه أغلب لعيّبته ما كان عندهم إلتزامات دوليّة , و الفريق كان عنده أسبوع كامل يتجهز لـ الريال , و بكل تأكيد بيكون جاهز بدنياً أكثر من الريآل .. على الورق ما فيه مُقارنة بس الكورة تنصف الي يقدم في الملعب .. أتوقع بنشوف مستوى شبيـّه لـ مستوانا قدام ليفانتي , و أتمنى نشوف مـدريـد يستمر على نفس النهج و نفس الأداء قدام الديبور , كورة سهلة و مُمتعة و مجهود ما يُضاهي النتيجة الكبيرة .. الخيارات على الدكة صارت أكثر , رجعة بيدرو و كاناليس بتفك أزمة كبيرة ! تألق البنز و تسجيله مع المنتخب بـ تخليّ موري يعتمد عليه أكثر من أول في حال إستمـرَّ الأرجنتينـيّ على حـاله .. و البقيـّة أغلبهم قدموا مستويات حلوة مع المنتخبات  , و إن شاء الله نشوفهم أفضل و أفضل اليوم ..
مهوب في مستواه ! اللاعب تجيه فترات ما يكون في مستواه و هذا ما يقلل من اللاعب نهائياً ! .. بس المشكلة إنك تستمر عليه و تعوّل علييه الكثير و هو ما شمّ الدكة ! الموّ صح يبي يعطيه الثقة بس كم له و هو يعطيه ثقة و يبدأ فيه أساسي و هو من أسوء لاعبيين الفريق إن ما كان الأسوء ! و للأسف ما شفنا تطوّر كبير أبد .. وش ذنب بنزيما ! الولد صحيح إذا دخل ما يسوي أشياء كبيرة , بس على الأقل يقدم مع منتخبه , معنا إذا دخل ما نشوفه رأس حربة صـريح ! يلعب في مكـآن موب مكانه و يقدم مستويات خلّت المدريديّة يطالبون فيه أساسي على حساب هيجوين ! فما بالك لو نزل في مكانه الأصلي و عطيناه فرصة شوط كامل على الأقـل ! ما ودي ندخل متش ميلان و حنّا حاطين في بالنا في حال تعثرنا لا قـّدر الله السبب الأول و الأخيـر ‘ هيجوين وَ بنزيما ’ .. أو بمعنى أشمـل الهجوم ! إن شاء الله يفكّها واحد منهم اليـوم و يسجل هـدف و يقدم مستوى يرضيّنـا ,, و يآخذ ثقـة أكبر و نشوفه قدام ميلان يثبت وجوده أكبر و أكبر .. وقتها بـ أقول هذا الي بـ يريّحنا .. إن شاء الله هـ الأسبوع نفتّك من هـ النقاش العقيم , و يبيّضها واحد منهم أقل شي ..
رقم و سجل أقل ما يُقال عنه حتىّ هاللحظة ‘ مُنصّف ’ .. 8 متشات لعبها بطل العالم  , و المُحصلّة هدفين بس ! صح الدفاع له فضل كبير بعد الله , بس لو نلآحظ الهدفين اليّ إستقبلناها بنسبة كبيرة جداً يتحملها الدفاع و للأسف أهداف بايخة كان يمكن تفآديّها .. متفائل بموسم تآريخي يعطيه حقّه و ينصفّه .. إن شاء الله نشوف مستوى و تجانس أفضل و أكبر من الي رآح , الشغل هذا كله من تحت الموّ , بس بعد متش ميلآن بـ أقدر أحكم صحّ على الفريق .. الله يكفيّنا شر الإصابات بس ,
يُقولون هذي التشكيلة الرسمية لنا ! تقريباً هي الأفضل على العناصر المتوفّرة , ما راح أعيد و أكرر في سالفة هيجيون و بنزيما .. شي أكيد بنشوف البنز في المتش بس إن شاء الله نشوفه لـ دقآيق أكثر من قبل .. على العموم هي نفسها قدام الديبور بس التغيّير في أربيلوا مكان المٌصاب راموس , لو نلآحظ أغلب الأسآسيين لعبوا مع مُنتخبآتهم بدون رآحة و كانوا من أهم ركآئز المُنتخب و كـان مُعوّل عليهم بشكل كبير .. شخصياً ما أنتظر مسـتوى كبير و أداء عـآلي ,, لهم عذر والله !.. بس لهم عـذر والله , و موب من حقنا نطالبهم بـ مستوى زي مستوى الديبور .. نلقط الثلاث نقاط بـ أقل مجهود , و نطلع بـ أقل الأضرار , و نستفيـّد من الدكة الي صارت أقوى من قبل بـ رجعة بيدرو ليون و كاناليس , و من خلالها نريّح بعض اللاعبين الي لعبوا بدون توقف معنا و مع منتخباتهم .. و إن شاء الله نطلع بـ 3 نقاط بـ أي شكل من الأشكال , بـ تكون مُرضيّة لنا إن شاء الله ..  |
