|
للأسف يا جماهير الهلال أنتم غريبين
ما أبي أطول في الكلام عشان كذا بدخل بالموضوع مباشرة... الهجوم الغريب على اللاعبين بعد مبارة ذوب أهان ماله أي مبرر. واحد يقول البرقان و الفرج ما أعرف وش فيهم. وواحد يقول وليي تعبان و هلم جره.
الغريب فيكم انكم دائما عاطفيين بعد الهزيمة. ياناس الفريق ناقص و مع ذلك لعب مباراة جيدة خارج أرضه و أعيد وأقول خارج أرضه. و أنت ياللي تقول البرقان و الفرج تعبانيين وتلوم الاداراة انها استغنت عن عمر الغامدي, قبل ما تقول هلاكلام هل تعلم أن البرقان و الفرج هم الاحتياطي الرابع والخامس بعد رادوي و عزيز و الغنام. صراحة شي غريب! يعني تبي الاداراة تجيبلك احتياطي رابع و خامس دوليين مثلا!!! أتمنى التفكير بالعقل و ليس بالقلب. الزعيم أدى و لا تتوقعون انه كل مباراة يفوز الفريق وترا ورانا مباراة اياب يا ناس وقفوا مع اللعيبة بدال ما كل شوي مستلمين واحد. زعيمنا ياما أسعدنا فلا تقسوا عليه اذا انهزم مباراة و النقد أتمنى يكون بعد البطولة مو الحين.
| 