كيف تقضي يومك برمضان؟

- اصلي الـفجر وانام ، اقوم الصبح للجامعه وبعض الاحيان اسحب عليها ، الرجوع للبيت على الساعه 2 الظهر انام حتى قبل صلاة الاذان ، نفـطر ثم نصلي ، وبعدها جلسة الاهل شاهي ومشاهدة قرقعيان ثم الراوي لابن شرهان ثم طاش ماطاش .. يكون بعدها اذان العشاء اصلي ثم ارجع البيت اطقطق على النت ابو ساعه .. ساعتين .. ثم نطلع .. امـا جمعه في منزل أو تمشيه برى الكشته في البر .. والرجوع على الساعه 1 أو 2 ليلا ثم الدخول على الزعيم حتى السحور ثم الصلاة وبعدها النوم .. وهكذا دواليك ..


مافيه موقف معين بس اذكر ..

اذكر مره بس يومني صغير كـنا نلعب كـورة في البـيت انا وثنـين من عيال عمي وفي عز الشـمس نصلي الظهر سوا ثم نجي نلعب كورة في البيت >>> الله من زين العقل بس .. المهم كنا نلعب وحماس مهوب طبيعي .. فكنت اذا تعـبت اروح للبـراده اشرب مويه وارجع اكمل معهم .. فقالوا عيال عمي هيه حنا برمضان تراك افطرت .. قلت ترا ماشربت الا شوي .. بس هالموقف اذكر يومني في الابتدائي ..



والله اشوف رمضان واحد ماتغير بالنسبة علي .