اقنعه بأبعادك وابعاد النزهان وعزيز والغامدي والخثران وعيال مجرشي وبقية المفلسين
والله انك ابن حلال مصيف وانا اخوك
النزهان رجال ما يطقها الا اذا صار النادي ما عنده ظهير ..يعني موب احتياطي ولا احتياطي الاحتياطي .. اللي بعده
وعزيز يحول لاعب زين .. اخطا كم خطا لكنه رجال ثقيل بوسط الملعب ولسه صغير .. خلوه احتياطي الاحتياطي على الاقل
والغامدي لاعب كل ما جا مدرب للمنتخب وللنادي لعبه .. ما اعتقد انه شين الى هالدرجة .. ولعبه نشوفه موب شين الى درجة الابعاد
الخثران مدري وش به عشان تسبه .. ما عندك بازين منه
عيال مجرشي الظهير الله بالخير معك فيها لكن المحور ما لعب شي مع الفريق الاول عشان نحكم عليه
اقول ياخوي اذكر ربك بس ولا تقعد تفتينا ترى ما دمر الهلال الا كثر الانتقاد ... لا تحطم لاعبين النادي يتعب في صنعهم ويبي يعطيهم فرصة اثبات نفسهم
لا تحسب صالح النعيمه وسامي الجابر ويوسف الثنيان وفيصل ابو اثنين ابدعوا من اول ما طقوا الكوره
يا جماهير الهلال لا تدمروا الفريق تكفون .. ترى تكفى تهز الرجاجيل