نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلاليه سنعه · #11 25/09/2010, 02:49 PM

وعليكم السلام ورحمة الله وبركاته

هلا والله حي الله ام متعب
بالنسبه عن اليوم الوطني
مالقاها الا هالتجار اللي مبسوطين ومستانسين
باعوا كل شئ اخضر من شالات واعلام وتي شيرتات وكسبوا
الله يالدنيا اول ماندري عنه الا اذا جا بالقناة الاولى هالاغاني الوطنيه تدهر

وزيادة الوطنيه مهيب بشال ومناكيروعلم ..
الوطنيه بأخلاقنا وتعاملنا وعطائنا
الوطنيه بالامن والامان والراحه والاستقرار ..
الوطنيه كلمه كبيره ماتنوصف بسطرين ..
بالنسبة للعزاء تحول الا حفلات وعرض عبايات وشنط وميك اب ..
المفروض الوحده جايه تعزي وتواسي ماتبالغ بشكلها
وايضا تختار الالفاظ والكلمات المناسبه اللي تهدي اهل الميت وتطمنهم ..
مهوب تفجعهم وتزيد الطين بله ..
ياليتها بس على القهوه والشاهي اهون ابشرتس مفاطيح وعزايم
ويجتمعون الرجال عليها كل يوم مهوب ازين فلوسها يتصدقون فيها للميت ..
ماشاء الله قرقيعانكم وعيدياتكم حلوه بالعافيه عليكم ..

إقتباس


	الاربعــاء .. الهلال يواجه الغرافه في قطر<<عسى مافاتكم الخبر بس

كم لنا نعد ونمد لها.. مباراة عجيبه غريبه مباراة اعصاب وحبس انفاس

اختلطت فيها المشاعر بين دموع والضحك من جد اغرب مباراة
لكن الحمدلله والشكر اهم شئ تأهلنا وان شاء الله مستواهم يتعدل
ولانشوف المهزله اللي شفنها ذيك اليوم ويارب نبارك لبعض بالكاس الكبيره

..
واما الخاطره ختامها مسك وش ذا الابداع وينه متغبي

..
يعطيتيس الف عافيه خيتي ام متعب على المنوعات الخفيفه

واسفه على الاطاله ..

دمتي بخير ..‘‘