بدخل بالمووضوع على طول ..


امي ماشالله دايم يجونها جاراتها ( حريم كبار ) ويسمرون عندها بالحووش ويتقهوون ,, المهم مالكم بالطويله .. انتم تعرفووون كيف الحريم يتأثرون بالكلام وكلمه توديهم وكلمه تجيبهم >> خخخ عاطفيات

الا يوم من الايام جو جارات امي كلهم ومتجمعات وذاك اليوم كنت انا طفشانه وقلت خلني اجلس عند امي وجاراتها بشوف وش يسولفون عنه ,, ومنها اتسلى ,,
المهم اول ماجلست بعد السلام والترحيب .. الا هم جالسين يسولفون عن جوالاتهم وكيف الفواتير تجيهم عاااليه وهم مايكلمون
[ طبعا تعرفون العجز عليهم بخل ف أكيد مايكلمون يرسلون كولمي ولا ماتدق الا بالضروره ]

وتقول وحده منهم انا اللي قاهرني اني ماكلم كثير والفاتوره جايتني 450 ريال بخلال شهر واحد << عاد من حقها مشتركه بخدمة النصب والاحتيال

وكل الحريم اللي كانو فيه يشتكون من الفواتير اللي تجيهم عاليه ..


وانا اللي ادخل بالموضوع وامسك خط 500 متر كيلو مربع

واقعد اسب واسب واسب بالاتصالات واقول انهم نصابين وانهم يسرقون عملائهم واقعد اخربط على هالعجز واقولهم قصص من الواقع ومن الخيال عن السرقات بخط الاتصالات
وهم يصدقوني ويقولون لازم نشتكي ومدري وش

قلت ابد لا تشتكون ولا شي عندي لكم خدمة خط روووووعه اسمها موبايلي وهذي شركه احترافيه وماتسرق عملائها وفعلا هي كذلك .. واقعد امدح امدح

وكل الحريم تحمسسسسسسسوا يبون يغيرون خطوطهم من خط الاتصالات لموبايلي

وانا أيدتهم بهالفكره .. وقلت شوفو امي انا حاطه لها خط موبايلي وماتجيها فواتير كثيره وامي قالت وهي صادزه

وكلهم قرروا يغيرون خطوطهم من اتصالات لموبايلي

الى الحين ثلاثه منهم غيروا ,, والباقين بيقولون لعيالهم يغيرون





لذلك من هنا اوجه فكره وتصير حمله بناتيه من الجماهير الهلاليات البنات .. ونسميها حملة وسوسه بعقول الحريم ..
سواء اختك او امك او صديقتك او جارتك وسوسي وكرهيهم بأم أم الاتصالات وخلي قد ماتقدرين يحولون كثير منهم لموبايلي


صدقوووووووووووني الحريم بسرعه يتأثرون بين بعضهم ف مجرد كلام وتأثير ووسوسه يتغير الوضع من اتصالات لموبايلي هع

وترى مجتمع الحريم بالسعوديه اكثر من الرجال وهذا من خلال احصائيات كثيره

غير كذا عليهم قرررقه بالتلفون والجوال خخخخ يعني لو حولو لموبايلي يفيدون الهلال وغير كذا يستفيدون من الخدمات المميزه والفواتير اقل تكلفه