لا حول ولا قوة الا بالله
حنا موعودين بهالمقارنات كل شوي؟
قلنا انتهى الموسم اللي راح وافتكينا من هالسالفة , الحين رجعنا لها؟
جمهور الهلال هو جمهور الهلال من يوم افتتحوا النادي
لا رابطة ولا اهازيج على مدى التسعين دقيقة
وش اللي اختلف الحين؟
هذا بدل ما نشكر الجمهور الوفي الجميل الكبير كهلاله بحضوره مباراة النصر الأخيره على الرغم من المستويات السيئة جدا الى ما قبل هذا اللقاء؟
وكل فترة والثانية يطلعلنا واحد يقول انقلوا النادي ياللشرقية يالجده ياللخرطوم, تراه نادي يا عالم موب بقٌالة.
واللي يرحم والديكم فكونا من هالمواضيع اللي ما ينتج منها الا الخلافات بين الجماهير الهلالية في المناطق المختلفة .
والله مافيها فايده غير ان المشاكل بدل ما تصير فنيه ومع الجماهير الاخرى , نزيد على نفسنا مشاكل بخلق احزاب وفرق بين الجماهير الهلالية.
آسف على الاطالة واعذروا لهجتي الانفعالية لكن يمكن هذا الموضوع الخمسين اللي يتطرق لنفس السالفه خلال اقل من موسم
