| مبروك التأهل لكل عشاق الزعيم ... وعقبال الكأس أن شاء الله ...
ومستوي مباراة اليوم له اكثر من نقطه وحبيت أوضحها وهي واضحه للي فاهم كورة ..
- من البداية التشكيلة اللي دخل فيها السيد جيرتيس خطأ .. وخطأ كبير .. اللعب بمحور واحد . وبتكيك هجومي والمجازفه قدام فريق بيلعب مباراه انتحاريه وماعنده شي يخسره ...كان عنده خيار اللعب بسلطان البرقان وعبداللطيف الغنام وركن الفريدي كورقة رابحه..
- الهدف المبكر بالنسبه للغرافه اللي عطاهم دفعه معنويه كبيره .. وسلبيه بالنسبه للاعبين الزعيم ..
- الثقه الزايده اللي كانت ملازمه للهلال الشوط الأول كامل ... والدليل فرق الروح بالنسبة للاعبين في الشوط الثاني وألأشواط الإضافيه بعد الإحساس بخطر الخروج من البطوله ...
- الأخطاء الفردية لكل من خيرات والبرود بالنسبه للفريدي
- الإرتباك الواضح ل حسن العتيبي وعدم خروجه في الهدف الثاني والرابع ووقوفه العجيب وعدم تثبيت حائط الصد في الهدف الثالث .. مع عدم اغفال تألقه في عدد من الهجمات
- عدم توفيق السيد غيرتيس في التبديل الأول وهو دخول نواف العابد .. الذي اضع اكبر علامة إستفهام امام مستواه هذا الموسم وهو عك كروي فضيع وبرود عجيب .. كان المفروض يكون البديل هو عيسي المحياني
- ذهاب ويلي كمهاجم ثاني وليس جناح يمين وهذا سبب قتل لدور ويلي المعتاد وهو الهجوم ومساندة الدفاع . .
- عدم مساندة لاعبين الوسط الفريدي والشلهوب للكوري لي يونغ في الشوط الأول وملاحظ اغلب هجمات الغرافه في الشوط الأول عن طريق جهة الهلال اليسري
......................................................خواطر ......................................................
* ياسر القحطاني .. الي متي ... والثقه بنفسك أمام المرمي .. مفقودة ؟؟ مافيه أحد يقدر يساعد الا ياسر نفسه .. الجمهور كله ساندك ووقف معك .. لازم تساند وتساعد نفسك .. وتعود مرعب للمدافعين
* نواف العابد .... شاهد اي مباراة لك بينك وين نفسك .. لك انت هذا الموسم والموسم الي راح .. وبتعرف .. وش اللي تغير فيك .. انت شبح نواف هذا الموسم ..
* حسن العتيبي .. ابي منك .. شوية شجاعه وخروج للمهاجم .. هذا الفرق بين اي حارس متأالق وحارس عادي ..
*حسن خيرات .. بدون ثفه زايده .. انت قدام جمهور مايتحمل اي غلطه ساذجه .. عشانه متعطش للفوز علي طول .. وانت قدها
* السيد جيرتيس اذا انت مستعجل علي المغرب .. ياليت تقدم الأستقاله والشرط الجزائي نسوي قطيه لك .. بس لاتضيع الهلال ب اللامبالاه ..
*الشلهوب كفيت ووفيت ..
* نيفيز انت متألق هذا الموسم .. ومباراه بدون أخطاء تغفر لك .. الفريق كله سيئ ..
* ويلي .. اااه يا ويلي .. ابي صورة مع التحيه لجميع لاعبي الهلال ل روح ويلي خاصه مع بداية الشوط الثاني والأشواط ألأضافيه .. ودموعه .. بعد هدف الهلال الثاني .. وحماسه مع الجمهور .. هذي روح الهلال ..وياليت نخص بالصورة (الفريدي + العابد+ خيرات)
.....................................اسف علي الاطاله .......................................
ودمتم ........... وعفبال فرحة الكأس يارب ...  | 