ألف مبروك..

انتهت الملحمه الرمضانيه .. بانتصار هلالي .. وانكسار نصراوي ..

اليوم وبس .. عرفنا ان عندنا فريق .. قسينا عليه كثير ..

اليوم وبس .. عرفنا أن عندنا لاعب مهما طال الكلام عنه يظل رجل الرهان الاول .. تسلم ياسامي

اليوم وبس .. عرفنا أن الادراة الشابه تساوي مليون ادراة خبيره

اليوم وبس .. عرفنا ان الجمهور الهلالي مهما عتب .. يظل رمز الوفاء الاول ..

اليوم وبس ردينا على كل من قال أن الهلال ليس فيه نجوم ..

اليوم وبس .. تأكد القاصي والداني أن الهلال والنصر هي قمة العالم العربي بأسره ..

اليوم وكل يوم بأذن الله تدوم الفرحه ..

ويازين الهلالي لا لعب بروح ..

ألف شكر لكل من حظر وساند .. الشكر للعنزي ( ياهلال ) ولأبو علي ولفواز وكل من غنى الأهازيج الزرقاء ..


أي والله .. اليوم.. واليوم وبس عرفت ليش الحملة ضد سامي ..

اليوم وبس .. عرفت ليش بعض الاقلام تطالب برحيل سامي بعد كل كبوة ..

اليوم وبس اكتشفت السر: وهو ادراكهم بأن هاللاعب مثل الذهب .. مهما كان عليه غبار ..

بمسحه بسيطه ويرجع ذهب .. مسحه مبسيطه من جمهور هلالي متحمس ويعود الذهب متوهجاً..

اليوم وبس .. تأكدت من احساسي وانا ارى عمر الغامدي يقدم مستويات هزيله .. واقول لاتقسون عليه

هاللاعب ياجماعه عنده شيء يقدمه .. عنده مشاكل ويرجع محور ممتاز ممتاز كما عهدناه في بداياته..

واليوم وبس.. اثبت الغامدي انه الفدائي الأول واللاعب الرجولي الأول .. والمحور اللي تلقاه خلف كل هجمه..

وقاطع كل هجمه للمنافس ..

الغامدي دافع هاجم استبسل فاستحق درجة الامتياز

ابوعبدالله.. سجل هدفين.. جهز هدفين ضائعين.. وكان ابن عشرين وليس في الثلاثين فاستحق الامتياز مع مرتبة الشرف

الهليل.. الخثران .. الغنام .. الشلهوب والبقيه الباقيه من فرقة الاوكسترا ألف شكر ماخيبتوا الظن ياأبطال..

كلمه أخيره:

من لا ينصف سامي اليوم .. فلن ينصفه ابداً ..

والحق مانطقت به الاعداء .. ( نطقها قبلكم النصراويين اليوم وقالوا متى يعتزل )

سامي + الغامدي = نجومية المباراة ..

وافطار شهي ياابوعبدالله بعد صيام تسع سنين عن الشباك الصفراء ..

سامي الجابر أعرفه.. أخلاق .. نجوميه .. خفة دم .. تواظع .

واليوم وبس اكتشفت فيه صفه جداً حلوة..

صفة العدل !!

مثل ما خذ الخوجلي قول ؟,, للشريفي قول وياعيني على العدل يا ابو عبدالله

ويلوموني لا قالوا متيم في سامي

تصبحون على ألف خير

وصباحكم بأذن الله جميل .. منعش .. سامي ..

الهلالي ابو سارة