الموضوع:
|| رابطة ♥ عشاق الملوك ♥ 2010 / 2011 ♥ ||
مشاهدة مشاركة بصفحة مستقلة
#
4150
19/09/2010, 04:49 PM
Madridi
مشرف سابق في منتدى الرياضة العالمية
تاريخ التسجيل: 05/04/2006
المكان: رابطة ريال مدريد
مشاركات: 14,319
هههههههههههههههههههههههههههههههههههههههههههههههه
يالبى الفوز الحامض اللي يرجع لي عبدالاله وحكيم ويحيى و اسامة ...
ويجيب خالد الثنياني من شوشته من الجمهور عشان يكتب رد
ولكم باك لكل اللي رجعوا .. واخيرا
اخص بالذكر
Strange Mad
اعتقد كذا اسمه
كان فعال معنا بداية الموسم .
..............................................................................
اولا من الطبيعي جدا الانخفاض العام في مستوى الفريق . لعبنا مباراتين برتم عالي جدا والان نلعب امام زلايب في ملعبهم الصعب .. ومرتاحين اسبوع . الارهاق الواضح على اوزيل تحديدا كان هو سبب اللخبطة اللي كانت في الشوط الاول وبداية الثاني . بصراحة تمنيت يطلع من بدري ويدخل محله كاناليس . لكن موري كان واضح انه متفهم اللي صار في الملعب وفضل الانتظار الى ان يتصدق عليه احد لاعبينا بمهارة ويجي هدف ، وهذا اللي حصل .
انا بصراحة مع اللي يحملون الهدف لكارفاليو ... اولا انت لاعب كبير المفروض تضبط التسلل ، ثم تتكل على ان الكورة برى .... عن نفسي احمله كارفاليو بنسبة كبيرة يعني 75 % والباقي على ايكر .
انتم حللتوا المباراة وانا ما اقدر اضيف اكثر من اللي انقال الا شغلتين بسيطتين :
1 ) الصبر اللي ازعجتكم فيه .. واللي الان ثامر
يذكره في رده
.. طبيعي ينخفض رتم الفريق ويشعر بالتعب ، فريق معظم لاعبيه لعبوا مونديال وما ارتاحوأ والان مباراتين برتم عالي جدا ووراها مباراة في احد اصعب ملاعب الليغا . توقعوا اي شيء .
2
) هيجوايين .. ما كنت الومه على مستواه البارح ، لان الوسط ميت تماما . لكن بغيت انهبل من فرصته الضائعة
.
يا حقير ، فوق انك ضيف شرف في المباراة بحكم وسطنا ، تجيه مثل ذي ، تفك فريقك من الضغط ، وفوقها انفراد صريح ، وفوقها الزاوية مكشوفه ، وشو له تعدي ، شوت يا جعلك الكسر .. هاللقطة من العصبية شت الكومودينو ، والنتيجة
انكسر اصبعي انا بسبب هالطعس الحقير .
بصراحة هالفرصة لا تغتفر . نفسي افهم ليه ما شات .. الزاوية اوضح منها ما فيه ، الا تعدي .. الا هدف حلو ما ابيه يا زفت .
عموما اتمنى من مورينيو يريح ماريا و واوزيل ويبدا بكاناليس و بيدرو ليون المباراة الجاية ، او يبدأ بنزيما حتى لو على حساب هالطعس . اهم شي يريح مجموعة من الاعبين لان ورانا ليفانتي ومن بعدها اوكسير .
عوافي
قفله : ابراهيم الشمراني
حياك الله اخوي ... فقرتك مميزة جدا واتمنى استمرارها . لكن
ما تلاحظ ان كلامهم مو بعيد عنا يالمنتقدين العرب
يعني ما تحس انهم يفكرون بعيد عن غالبية الشباب هنا وخصوصا الهادئين واهل الصبر .
مع ذلك اتمنى تستمر الفقرة لانها مميزة جدا
خصوصا لما طلعت من الفيتنامية اللي اعتبر ارائهم عادية جدا .
Madridi
مشاهدة الملف الشخصي
البحث عن كافة المشاركات التي كتبت بواسطة Madridi